سەرلەبەیانیی ڕۆژی چوارشەممە ٢٣ی خەزەڵوەری ١٤٠٣، سزای لەسێدارەدانی دوو بەندکراوی کورد بە ناوەکانی "جەعفەر ڕەستگار" خەڵکی هەرسین و "حەمزە تەرکاشوەند" خەڵکی شاری کەنگاوەر، لە بەندیخانەی قزڵحساری کەرەج جێبەجێ کرا.
ڕۆژی دووشەممە ٢١ی خەزەڵوەری ١٤٠٣، حوسێن مەحموودپوور، بەندکراوی سیاسیی کوردی خەڵکی گوندی "گەرگولی خوارێ" سەر بە شاری پیرانشار لە بەندیخانەی نەغەدەوە نێردرایە مورەخەسی.
ڕۆژی سێشەممە ٢٢ی خەزەڵوەری ١٤٠٣، محەممەدڕەزا قەیتەرانی لە دەسبەسەرکراوانی بزووتنەوەی ژن، ژیان، ئازادی پاش بانگکران بۆ لقی جێبەجێکاری سزا کەیفەرییەکانی مەهاباد، بە مەبەستی جێبەجێکرانی سزای بەندکرانەکەی بۆ بەندیخانەی ئەم شارە ڕاگوێزرا.
سەرەڕای تێپەڕبوونی شەش ڕۆژ لە دەسبەسەرکرانی مەسعوود محەممەدی، هاووڵاتیی خەڵکی بۆکان، سەبارەت بە دۆخ و شوێنی ڕاگیرانی ناوبراو زانیارییەک لەبەر دەستدا نییە.
ڕۆژی شەممە ١٩ی خەزەڵوەری ١٤٠٣، عادڵ پیرووزی، بەندکراوی سیاسیی پێشووی خەڵکی گوندی "سەردۆش" سەر بە شاری مەریوان، بە مەبەستی جێبەجێکرانی سزای بەندکرانەکەی بۆ بەندیخانەی ئەم شارە ڕاگوێزرا.
ڕۆژی شەممە ١٩ی خەزەڵوەری ١٤٠٣، ڕەحمان قادری، هاووڵاتیی کوردی خەڵکی پیرانشار بە دانانی بارمتەی ٥٠٠ میلیۆن تمەنی و بە شێوەی کاتی لە بەندیخانەی نەغەدە ئازاد کرا.
ڕۆژی شەممە ١٩ی خەزەڵوەری ١٤٠٣، ئاکام ئەمینی، مێرمنداڵی خەڵکی گوندی "کانیڕەش" سەر بە شاری بۆکان، بە دانانی بارمتەی ٣٠٠ میلیۆن تمەنی و بە شێوەی کاتی ئازاد کرا.
لە ماوەی ڕۆژانی ڕابردوودا، ناسر بەکرزادە، بەندکراوی کورد لە بەندیخانەی ناوەندیی ورمێ لەلایەن دادگای ئینقلابی ئەم شارەوە بە تۆمەتی "سیخوڕی بۆ ئیسرائیل" بە لەسێدارەدران سزا درا.
وریشە مورادی، بەندکراوی سیاسیی کوردی دەسبەسەرکراو لە بەندیخانەی ئێڤین لەلایەن لقی ١٥ی دادگای ئینقلابی تارانەوە بە سەرۆکایەتیی دادوەر "ئەبولقاسم سەڵواتی" بە تۆمەتی "بەغی" بە لەسێدارەدران سزا درا.
سەرلەبەیانیی ڕۆژی چوارشەممە ١٦ی خەزەڵوەری ١٤٠٣، سزای لەسێدارەدانی بەندکراوێک بە ناوی "موجتەبا قاسمی" خەڵکی شاری هەرسین لە بەندیخانەی قزڵحساری کەرەج جێبەجێ کرا.
ئاژانسی هەواڵدەریی کوردپا
