چەند هاووڵاتییەکی خەڵکی شاری شنۆ، کە بۆ کۆکردنەوەی گژ و گیای بەهاری ڕوویان لە شاخەکانی شاری پیرانشار کردبوو، لە لایەن یەگانی حیفازەتی ئیدارەی سەرچاوە سروشتییەکان، دەسبەسەر کران.
سێ هاووڵاتیی دانیشتووی گوندی تەنگیسەر سەر بە ناوچەی ژاوەرۆی شاری سنە، لە لایەن ئیدارەی ئیتلاعاتی ئەو شارەوە، بانگهیشت کران.
دووکاندارانی شارەکی زێوەی ناوچەی مەرگەوەڕی شاری ورمێ، لە لایەن ناوەندە پەیوەندییدارەکانی حکوومەتەوە لە ژێر گوشاردان، کە دووکانەکانیان ڕادەستی ئەوان بکەن.
لە کۆبوونەوەی ئەندامانی شۆرای شاری ورمێ، ئەندامانی کوردی ئەو شۆرایە بە هۆی پراوێزخستنیانەوە، بەیاننامەیەکیان بڵاوکردەوە و ئەو کۆبوونەوەیەیان بەجێهێشت.
زیندانییەکی کورد خەڵکی شاری نەغەدە، بە تۆمەتی "کوشتنی بە ئەنقەست" لە زیندانی ناوەندیی شاری مەراغە، ئێعدام کرا.
دوو کۆڵبەری کوردی خەڵکی ناوچەی تەرگەوەڕ، لە ڕووباری "جێرمێ"ی سنووری ورمێ، خنکان.
دوو هاووڵاتیی خەڵکی ناوچەی مەڕگەوەڕ، لە لایەن دادگای ئینقلابی شاری "ورمێ"وە، بە ١٠ ساڵ زیندان مەحکووم کران.
کیژۆڵەیەکی پێنج ساڵە کە لە لایەن باوەژنیەوە ئازاری جەستەیی دراوە، لە نەخۆشخانەیەکی ورمێ خەوێندراوە.
کۆڵبەرێکی کورد، خەڵکی شاری سەڵماس، بە تەقەی هێزە نیزامییەکانی حکوومەت پێکرا.
ئیدارەی ئیتلاعاتی شاری شنۆ، هاووڵاتییەکی خەڵکی ئەو شارەیان بانگهێشت و لێپرسینەوەیان لەگەڵ کرد.
ئاژانسی هەواڵدەریی کوردپا
