حوکمی قرتاندنی چوار قامکی دەستی ڕاستی دوو برا بە ناوەکانی "مێهرداد و شەهاب تەیمووری" کوڕی "حوسێن" خەڵکی سەرپێڵ زەهاو و دانیشتووی مەلاردی کەرەج، بە تۆمەتی "دزیکردن" لە زیندانی ناوەندیی ورمێ لەلایەن دیوانی باڵای وڵاتەوە پشتڕاست کرایەوە.
ڕۆژی چوارشەممە ١٦ی ڕەزبەر، "عادڵ موکەڕەم" زیندانیی سیاسی لە زیندانی ورمێ، لەسەر بەڵێنیی بەرپرسانی زیندان بۆ پێڕاگەیشتن بە دۆسیەکەی، کۆتایی بە مانگرتنەکەی هێنا.
"شادمان بەنی بەشەر" چالاکی مەدەنی و ئەندامی گرووپی شاخەوانیی "چلچەمە" بۆ جێبەجێکردنی حوکمەکەی دەبێ خۆی بە زیندانی ناوەندیی سنە بناسێنێت.
ڕۆژی پێنجشەممە ١٠ی ڕەزبەر، فەرهاد تاری مورادی، خوێندکاری کارناسی باڵای جواغرافیای سیاسیی زانکۆی پەیام نووری شاری سنە، بۆ تێپەرانەندنی ماوەی زیندانییەکەی ڕەوانەی زیندانی ناوەندیی سنە کرا.
موژگان کاووسی لێکۆڵەر و نووسەری کوردی یارسانی لە گرتووخانەی ئێڤین، لە ئەنجامدانی نەشتەرگەرییەکەی لە نەخۆشخانەی تاڵقانیی تاران پاشگەز بووەوە.
ڕۆژی دووشەممە ١٤ی ڕەزبەر، پاسدارێکی ئیلامی بە ناوی "عەلیڕەزا دارابی" لە بەرزاییەکانی سنووری بێزڵ لە سنووری شیخ سڵەی سەلاسی باوەجانی کوژرا.
شەوی دووشەممە ١٤ی ڕەزبەر، هەنگی سنووریی پایگای "بێزڵ" لە سنووری سەلاسی باوەجانی دەستیان بەسەر ٩٧٠ سەڕ "کاوڕ"ی پێنج کاسبکاردا گرت.
پارێزەری بنەماڵەی "سادق بەرمەکی" هاوولاتیی کوژراوی خەڵکی مەهاباد، باسی لە ئەگەری لەسێدارەدانی دوو هاووڵاتیی خەڵکی ئەو شارە کرد.
ڕێکخراوی لێبوردنی نێونەتەوەیی داوای کردووە حوکمی ئێعدامی شاکر (فەرهاد )بێهرووزی، زیندانیی سیاسیی کورد، لە گرتووخانەی زیندانی ناوەندیی ورمێ هەڵوەشێتەوە.
لقی دووی دادگای کەیفەریی ورمێ، حوکمی قرتاندنی چوار قامکی دەستی ڕاستی بە سەر زیندانییەکدا، بە ناوی "ئارش عەلی ئەکبەری" کوڕی ئیسلام، داسەپاند.
ئاژانسی هەواڵدەریی کوردپا
