ڕۆژی دووشەممە ڕێکەوتی ٦ـی پووشپەڕ، هاووڵاتییەک بە ناوی "ئیبراهیم عەزیزی" و کوڕێکی ناوبراو بە ناوی "موحسین عەزیزی" خەڵکی شاری شنۆ لەلایەن هێزە ئەمنییەتییەکانەوە دەسبەسەر کران.
ڕۆژی یەکشەممە ڕێکەوتی ٥ی پووشپەڕ، زارا محەممەدی، مامۆستای زمانی کوردی و ئەندامی ئەنجومەنی فەرهەنگی ــ کۆمەڵایەتی "نۆژین" لە کانوونی ئیسلاح و تەربییەتی سنە بۆ یەکەمجار هاتە مەرەخەسی.
ڕۆژی شەممە ٤ی پووشپەڕ، ئەرەستوو (ڕەسووڵ) مەلاڕەحیمی، چالاکی مەدەنیی خەڵکی مەهاباد پاش تەواوبوونی ماوەی زیندانییەکەی لە زیندانی ئەو شارە ئازاد کرا.
داخوازیی ئیعادەی دادڕەسیی شاکر بێهرووزی، زیندانیی سیاسیی مەحکووم بە ئێعدام لە گرتووخانەی ناوەندیی شاری ورمێ لەلایەن دیوانی باڵای وڵاتەوە ڕەت کرایەوە.
ئەمڕۆ یەکشەممە ٥ی پووشپەڕ، تاهیر حامیدی، موحسین شکوهی و حەسەن ڕەحیمیان، لە ئەندامانی ئەنجومەنی سێنفیی مامۆستایانی کوردستان – سەقز و زیویە، لە زیندانی سەقز ئازاد کران.
ئەمڕۆ یەکشەممە ڕێکەوتی ٥ی پووشپەڕ، "حیسام خاکپوور" و "ئەحمەد قادری" لە ئەندامانی ئەنجومەنی سێنفیی مامۆستایان کوردستان - سەقز و زیویە بە دانانی بارمتە لە زیندان ئازاد کران.
ڕۆژی شەممە ٤ی پووشپەڕ، "هێمن مام قادری" زیندانیی سیاسیی پێشووی خەڵکی شاری بۆکان لەلایەن هێزە ئەمنییەتییەکانەوە دەسبەسەر کرا.
ئەمڕۆ شەممە ڕێکەوتی ٤ی پووشپەڕ، "سەلاح حاجی میرزایی"، "محەممەد ڕەزا مورادی" و "ئارام ئیبراهیمی" لە چالاکانی سێنفیی مامۆستایانی سنە بە دانانی کەفاڵەت لە زیندان ئازاد کران.
ئەمڕۆ شەممە ڕێکەوتی ٤ی پووشپەڕ، "ئامانج ئەمینی"، "زاهید مورادی"، ئیسماعیل ڕەیحانی" و "سلێمان عەبدی" لە ئەندامانی ئەنجومەنی سێنفیی مامۆستایانی کوردستان ـ سەقز بە دانانی بارمتە لە زیندانی سەقز ئازاد کران.
ڕۆژی پێنجشەممە ٢ی پووشپەڕ، کۆڵبەرێکی کورد بە ناوی "کەیوان ئەمانی" خەڵکی گوندی "حاجی مەمدانـ"ـی سەقز، لە سنووری "سەرتەزێنـ"ـی بانە پێکرا.
ئاژانسی هەواڵدەریی کوردپا
