سەرلەبەیانیی ئەمڕۆ چوارشەممە ٨ی پووشپەڕ، "شاکر بێهرووزی" زیندانیی سیاسیی مەحکووم بە ئێعدام لە بەندی زیندانییانی سیاسیی ورمێ، بۆ شوێنێکی نادیار ڕاگوێزرا.
ڕۆژی شەممە ٤ی پووشپەڕ، هاووڵاتییەکی کورد بە ناوی "فەرشید کەریمی" تەمەن ٣٥ ساڵ خەڵکی شاری سنە، پاش ٤٥ ڕۆژ لە دەسبەسەری بە کەفاڵەت لە یەکێک لە گرتنگە ئەمنییەتییەکانی ئەو شارە ئازاد کرا.
ئێوارەی ڕۆژی یەکشەممە ٥ی پووشپەڕ، هاووڵاتییەکی کورد بە ناوی "نادر بایەزیدیئازەر" تەمەن ٣٠ ساڵ، کوڕی قادر خەڵکی گوندی "لەج" سەر بە شاری مەهاباد، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
زۆهرە دوستی هاووڵاتیی خەڵکی سنە بۆ جێبەجێیکردنی ساڵێک زیندانییەکەی دەسبەسەر و ڕەوانەی کانوونی ئیسلاح و پەروەردەی سنە کرا.
ڕۆژی سێشەممە ٧ی پووشپەڕ، دوو کۆڵبەر بە ناوەکانی "عومەر عەبدی" و "عوسمان ئەحمەدی" خەڵکی شاری سەلاسیباوەجانی، بەهۆی تەقەی هێزە نیزامییەکانی حکوومەت لە سنووری نەوسوود پێکران.
خەیروڵڵا حەقجوویان ئەندامی کۆڕی ڕاوێژی چالاکانی مەدەنیی یارسان لەلایەن دادگای ئینقلابی شاری سەحنە بە ساڵێک زیندان مەحکووم کرا.
ڕۆژی دووشەممە ڕێکەوتی ٦ی پووشپەر، هاووڵاتییەک بە ناوی " بلال دیدەوەر" کوڕی سەید حەسەن خەڵکی گوندی "شێخ سڵە" سەر بە شاری سەلاسباوەجانی بەهۆی تەقینەوەی مین بریندار بوو.
ڕۆژی دووشەممە ٦ی پووشپەڕ، سادق کەنعانی چالاکی سێنفیی مامۆستایانی سنە بە دانانی کەفاڵەت لە گرتنگەی ئیدارەی ئیتلاعاتی ئەو شارە ئازاد کرا.
ڕۆژی دووشەممە ٦ی پووشپەڕ، هاووڵاتییەکی کورد بە ناوی "خالید قوربانی" تەمەن ٢٦ ساڵ کوڕی یووسف بە دانانی بارمتە لە زیندانی کامێران ئازاد کرا.
ڕۆژی دووشەممە ڕێکەوتی ٦ـی پووشپەڕ، دوو هاووڵاتیی کورد بە ناوەکانی "بەهمەن مەحموودی ئازەر" خەڵکی شاری شنۆ و "یەعقووب مەحموودی ئازەر" خەڵکی گوندی "سینگانـ"ـی سەر بە شاری شنۆ لەلایەن هێزە ئەمنییەتییەکانەوە دەسبەسەر کران و بۆ شوێنێکی نادیار…
ئاژانسی هەواڵدەریی کوردپا
