شەوی دووشەممە، ١٤ی خاکەلێوە، دوو مامۆستای ئایینیی کورد بە ناوەکانی "مەلافاروق ئەحمەدی" و "مەلاعەبدولقادر قادری" لەلایەن هێزە ئەمنییەتییەکانەوە لە مەهاباد دەسبەسەر کران.
دەسبەسەرکردن، لەسێدارەدان و تەقەی ڕاستەوخۆ لە خۆپیشاندەرانی ناڕەزایەتییە سەرتاسەرییەکانی بزووتنەوەی ژن، ژیان، ئازادی بەشێک لە کارنامەی کۆماری ئیسلامیی ئێران بۆ درێژەدان بە سەرکوتی ناڕازییانی سەر شەقام بووە.
مامۆستا محەممەد باغبانی، پێشنوێژی مزگەوتی "حەیدەری کەڕاڕ"ی سنە بانگهێشتی دادگای تایبەتی ڕۆحانییەتی هەمەدان کرا.
ڕۆژی دووشەممە ١٤ی خاکەلێوە، فەخرەدین ئیبراهیمی، کوڕی مەحیەدین ئیبراهیمی، زیندانیی سیاسیی لەسێدارەدراو پاش ڕۆیشتن بۆ لقی ٩ی لێپرسینەوەی دادسەرای گشتی و ئینقلابی ورمێ لەلایەن هێزە ئەمنییەتییەکانەوە دەسبەسەر کرا.
مامۆستا حوسێن عەلیمورادی، پێشنوێژی مزگەوتی "ئیبراهیم خەلیلوڵڵا"ی سنە و بەرپرسی قوتابخانەی زانستی دینی "ئیبراهیم خەلیلوڵڵا" بۆ دووهەمین جار بانگهێشتی دادگای تایبەتی ڕۆحانییەتی هەمەدان کرا.
ڕۆژی شەممە، ١٢ی خاکەلێوە، هونەرمەندێکی کورد بە ناوی "یاسر بەهرامی" بانگهێشتی ئیدارەی ئیتلاعاتی سنە کرا و لێپرسینەوەی لەگەڵ کرا.
ڕۆژی یەکشەممە، ١٣ی خاکەلێوە، هاووڵاتییەکی کورد بە ناوی "عەینی قادرنژاد"، کوڕی نادر خەڵكی گوندی "چریاوا" سەر بە ناوچەی مەرگەوەڕی ورمێ، بە تەقەی هێزە نیزامییەکانی حکوومەت لە سنووری گادەر گیانی لەدەست دا.
سەردار شاهمورادیان، خوێندکاری بواری کەرەستە پزیشکییەکانی زانکۆی علمی کاربوردیی سنە، بە شێوەی ناڕوون لە زیندانی ئەو شارەدایە.
حوکمی دوو ساڵ زیندانی تەعزیریی خەبات شەکیبا، چالاکی کرێکاری خەڵکی سنە، لە دادگای پێداچوونەوە بە دوو ساڵ زیندانی تەعلیقی بۆ ماوەی ٣٠ مانگ گۆڕدرا.
فەخرەدین ئیبراهیمی، کوڕی مەحیەدین ئیبراهیمی، زیندانیی سیاسیی لەسێدارەدراو بانگهێشتی لقی ٩ی لێپرسینەوەی دادسەرای گشتی و ئینقلابی ورمێ کرا.
ئاژانسی هەواڵدەریی کوردپا
