ڕۆژی سێشەممە ٢٨ی پووشپەڕ، دوو هاووڵاتیی کورد بە ناوەکانی "دیار عەباسی" و"ڕەحمەت ئابجامە"، پاش تەواوبوونی ماوەی لێپرسینەوەکەیان لە یەکێک لە گرتنگە ئەمنییەتییەکان لە ورمێ، ڕەوانەی زیندانی مەهاباد کران.
سەرلەبەیانیی ڕۆژی یەکشەممە ١٩ی پووشپەڕ، ژنێک بە ناوی "گوڵجەمین نەجەفی" تەمەن ٥٠ ساڵ کچی عەبدوڵڵا خەڵکی بەخشی گاوارەی شاری داڵاهۆ، بە شێوەیەکی دڵتەزێن لەلایەن هاوژینەکەیەوە کوژرا.
پاش ١٢ ڕۆژ لە دەسبەسەرکرانی مامۆستا "مەلا یوونس نەوخا" خەڵکی شاری پیرانشار لەلایەن هێزە ئەمنییەتییەکانەوە، هەتا ئێستا چارەنووسی ناوبراو ناڕوونە.
مریەم عەزیزوەند خەڵکی گوندی "کورانـ"ـی ناوچەی سۆمای ورمێ کە بەهۆی تەقینەوەی مین بە سەختی بریندار بوو، لەلایەن پزیشکانی پسپۆڕەوە نەشتەرگەریی بۆ کرا.
شەعبان محەممەدی لە ئەندامانی هەیئەتی بەڕێوەبەریی ئەنجومەنی سێنفیی مامۆستایانی کوردستان-مەریوان، لە بەندی ٢٠٩ی ئەمنییەتیی زیندانی ئێڤین بۆ بەندی گشتیی ئەو زیندانە ڕاگوێزرا.
ئەمڕۆ شەممە ٢٥ی پووشپەڕ، دوو هاووڵاتیی کورد بە ناوەکانی "تاهیر کەتانی" و "ئەمیر بابۆلی" خەڵکی گوندی "لەجـ"ـی شاری مەهاباد لەلایەن هێزە ئەمنییەتییەکانەوە دەسبەسەر کران.
پێنج هاووڵاتیی کورد بە ناوەکانی "خۆشناو عەینی"، "فەرهەنگ کەرامەت (ئالانی)"، "یووسف ڕەحمانی"، "سیامەند کەرامەت (ئالانی)" و "پیرۆت تابناک" خەڵکی شاری شنۆ، پاش دەسبەسەرکران بۆ لێپرسینەوە ڕەوانەی یەکێک لە گرتنگە ئەمنییەتییەکانی ورمێ کراون.
ئەمڕۆ هەینی ٢٤ی پووشپەڕ، کۆڵبەرێکی تەمەن ١٨ ساڵ بە ناوی "هێمن مروەتی" خەڵکی شاری جوانڕۆ بە تەقەی هێزە نیزامییەکانی حکوومەتی لە سنووری نەوسوود بریندار کرا.
سەرلەبەیانی ڕۆژی چوارشەممە ٢٢ی پووشپەڕ، هاووڵاتییەکی کورد بە ناوی "یووسف ڕەحمانی" خەڵکی گوندی "خۆرشتـ"ـی شاری شنۆ، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزراوە.
ئەمڕۆ هەینی ٢٤ی پووشپەڕ، هێزە ئەمنییەتییەکانی سەر بە ئیتلاعاتی سپای پاسداران، پاش بانگهێشتی دووبارەی "زانیار حەسەنزادە" مێرمنداڵی تەمەن ١٦ ساڵەی خەڵکی گوندی "بابخاڵاو"ی شاری "شنۆ"یان دەسبەسەر کرد.
ئاژانسی هەواڵدەریی کوردپا
