ئێوارەی ڕۆژی هەینی ٣١ی پووشپەڕ، کۆڵبەرێکی کورد بە ناوی "ئەمیر" خەڵکی شاری بۆکان و دانیشتووی شاری بانە بە تەقەی هێزە نیزامییەکان لە سنووری "هەنگەژاڵ"، بە سەختی بریندار کرا.
ڕۆژی چوارشەممە ٢٩ی پووشپەڕ، "سیامەند کەرامەت (ئالانی)" هاووڵاتیی خەڵکی گوندی "سینگانـ"ـی شاری شنۆ بە دانانی بارمتەی ٥٠٠ ملیۆن تمەنی لە زیندانی ئەو شارە ئازاد کرا.
ڕۆژی پێنجشەممە ٣٠ی پووشپەڕ، سنوور تامارا، هاووڵاتیی خەڵکی کوردستانی باکوور لە زیندانی ورمێ ئازاد کرا.
سەرلەبەیانی ڕۆژی پێنجشەممە ٣٠ی پووشپەڕ، هاووڵاتییەکی کورد بە ناوی "ئەمیر ئوجاقی" خەڵکی شاری کرماشان، لە زیندانی یەزد لە سێدارە درا.
ڕۆژی سێشەممە ٢٨ی پووشپەڕ، کۆڵبەرێکی کورد بە ناوی "مەهدی خادم مەسجد" خەڵکی گوندی "کەمەرەسپی" شاری بانە، بە تەقەی هێزە نیزامییەکان بە سەختی پێکرا.
ڕۆژی پێنجشەممە ٣٠ی پووشپەڕ، هاوڵاتییەکی کورد بە ناوی " مۆحسێن عەزیزی" کوڕی ئیبراهیم پاش تەواوبوونی ماوەی لێپرسینەوەکەی، لە یەکێک لە گرتنگە ئەمنییەتییەکانی ورمێ، بۆ زیندانی شنۆ ڕاگوێزرا.
ئێوارەی ڕۆژی پێنجشەممە ٣٠ی پووشپەڕ، کۆڵبەرێکی کورد بە ناوی "ئەکبەر (ئەکڕەم) خودامورادی" خەڵکی گوندی "بانی ساکانـ"ـی شاری سەلاسباوەجانی، بە تەقەی هێزە نیزامییەکان لە سنووری نەوسوود پێکرا.
ڕۆژی چوارشەممە ٢٩ی پووشپەڕ، هاووڵاتییەکی کورد بە ناوی "سوبحان مەولوودی" تەمەن ٣٢ ساڵ کوڕی ئەحمەد خەڵکی گوندی "تەنگیسەر"ی شاری سنە، پاش گەڕانەوە لە هەرێمی کوردستان لە سنووری باشماخی مەریوان لەلایەن هێزە ئەمنییەتییەکانەوە دەسبەسەر کرا.
لە بەیاننامەی ئەو ڕێکخراوە مافی مرۆییەدا، هاتووە:
ڕۆژی دووشەممە ٢٧ی پووشپەڕ، هاووڵاتییەک بە ناوی "ئیدریس نووری" خەڵکی شاری جوانڕۆ، لە کاتی هەڵاتن لە شەقامی "ڕەساڵەتـ"ـی شاری پاوە، بە تەقەی مەئموورانی هێزە نیزامییەکان، بریندار کرا.
ئاژانسی هەواڵدەریی کوردپا
