سەرلەبەیانیی ڕۆژی سێشەممە ١٣ی خەرمانی ١٤٠٣، مێرمندالێکی کورد بە ناوی "ڕامیار ئەبووبەکری" تەمەن ١٦ ساڵ و برای زانیاری ئەبووبەکری لە گیانلەدەستداوانی بزووتنەوەی ژن، ژیان، ئازادی لە مەهاباد، لەلایەن هیزە ئەمنییەتییەکانەوە دەسبەسەر کرا و بۆ…
دوو هاووڵاتیی کورد بە ناوەکانی "سەلام سوڵتانی" و "ئەمیر فەقێ" خەڵکی گوندی "خورینج" سەر بە شاری پیڕانشار، سەرەڕای تێپەربوونی چەند مانگ لە دەسبەسەرکرانیان، چارەنووسیان ناڕوونە و لە بەندیخانەی نەغەدە ڕاگیراون و لە مافی ئازادیی کاتی بێبەری…
ڕۆژی یەکشەممە ١١ی خەرمانانی ١٤٠٣، تەیفوور سەلیمی بابامیری، هاووڵاتیی دانیشتووی بۆکان، بە دانانی بارمتەی ٣ میلیارد تمەنی و بەشێوەی کاتی هەتا کۆتاییهاتنی قۆناغەکانی دادڕەسی لە بەندیخانەی ورمێ ئازاد کرا.
ڕۆژی شەممە ١٠ی خەرمانانی ١٤٠٣، هاووڵاتییەک بە ناوی "ناسر مورادی" خەڵكی گوندی "قۆزڵۆی" سەر بە شاری سایین قەڵا، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
سەرلەبەیانیی ڕۆژی یەکشەممە ١١ی خەرمانانی ١٤٠٣، سزای لەسێدارەدرانی بەندکراوێک بە ناوی "سابیر جەماڵی" خەڵکی کەنگاوەر، لە بەندیخانەی ناوەندیی هەمەدان جێبەجێ کرا.
ڕۆژی شەممە ١٠ی خەرمانانی ١٤٠٣، ئەیووب دەماوەندی، هاووڵاتیی کوردی خەڵکی پیرانشار دوای مانگێک دەسبەسەرکران و لێپرسینەوە لە گرتنگەی ئیتلاعاتی ورمێوە بۆ بەندیخانەی نەغەدە ڕاگوێزرا.
سزای بەندکرانی ئومید ئەحمەدڕەش، هاووڵاتیی کوردی خەڵکی پیرانشار کە پێشتر بە ١٠ مانگ بەندکران سزا درابوو، دوای تێپەڕبوونی چەند مانگ، بە «رای باز» گۆڕدرا.
محەممەدڕەزا قەیتەرانی لە دەسبەسەرکراوانی بزووتنەوەی ژن، ژیان، ئازادی بە بارمتەی یەک میلیارد تمەنی و بە شێوەی کاتی لە بەندیخانەی مەهاباد ئازاد کرا.
حەسەن مەردانی، بەندکراوی سیاسیی کوردی خەڵکی بۆکان کە لە بەندیخانەی ئەم شارە ماوەی سزاکەی خۆی تێدەپەڕێنێ، سەرەڕای پێویستیی بە پێڕاگەیشتنی پزیشکی لە مافی وەرگرتنی مورەخەسیی دەرمانی بێبەری کراوە.
ڕۆژی هەینی ٩ی خەرمانانی ١٤٠٣، کۆڵبەرێکی کورد بە ناوی "ئەسعەد ئێسپەندار"، تەمەن ٢٤ ساڵ و خەڵکی سەردەشت بە تەقەی هێزە نیزامییەکانی حکوومەت لە سنووری "ئاڵۆت"ی بانە گیانی لەدەست دا.
ئاژانسی هەواڵدەریی کوردپا
