لە ماوەی ڕۆژانی ڕابردوودا، دوو هاووڵاتیی کورد بە ناوەکانی "جەلال پەرهیزکار" و "سەروەر حەمە نازدار" خەڵکی گوندی "حاجی ئاڵیکەند" سەر بە شاری مەهاباد لەلایەن هێزە ئەمنییەتییەکانەوە دەسبەسەر کران و بۆ شوێنێکی نادیار ڕاگوێزران.
شەوی شەممە ٦ی ڕێبەندانی ١٤٠٣، مەنسوور مەولوودپووری، هاووڵاتیی خەڵکی مەهاباد لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
ڕۆژی یەکشەممە ٧ی ڕێبەندانی ١٤٠٣، سادق کوردی، هاووڵاتیی خەڵکی گوندی "پەسوێ" سەر بە شاری پیرانشار، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
ڕۆژی دووشەممە ٨ی ڕێبەندانی ١٤٠٣، فەرهاد زەندی و مێهدی جەوانمەردی، لە چالاکانی مەدەنیی دێولان لەلایەن هێزە ئەمنییەتییەکانەوە دەسبەسەر کران.
ڕۆژی سێشەممە ٢ی ڕێبەندانی ١٤٠٣، حەسەن خەلیلی، چالاکی مەدەنی و ژینگەپارێزیی خەڵی سەردەشت لەلایەن هێزە ئەمنییەتییەکانەوە دەسبەسەر کرا و پاش دوو ڕۆژ لێپرسینەوە ئازاد کرا.
ڕۆژی سێشەممە ٩ی ڕێبەندانی ١٤٠٣، هاووڵاتییەکی کورد بە ناوی "چیاکو قوربە" خەڵکی سنە لەلایەن هێزە ئەمنییەتییەکان دەسبەسەر کرا و بۆ شوێنێکی نادیار ڕاگوێزرا.
ڕۆژی دووشەممە یەکی ڕێبەندانی ١٤٠٣، پەروین ئەدوایی، چالاکی مەدەنی و بەندکراوی سیاسیی پێشوو پاش بانگکران بۆ ستادی خەبەریی ئیتلاعاتی مەریوان دەسبەسەر کراوە و سەبارەت بە چارەنووسی زانیارییەک لەبەر دەستدا نییە.
ڕۆژی یەکشەممە ٧ی ڕێبەندانی ١٤٠٣، زاگرۆس ڕەسووڵی، چالاکی ژینگەپارێزی خەڵکی مەهاباد لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
سەرلەبەیانیی ڕۆژی یەکشەممە ٧ی ڕێبەندانی ١٤٠٣، محەممەد ڕەمەزانی، شاخەوان و چالاکی ژینگەپارێزی خەڵکی مەهەباد لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
ڕۆژی شەممە ٦ی ڕێبەندانی ١٤٠٣، فەرزاد حەمیدی، هاووڵاتیی کوردی خەڵکی کامێران لە پێوەندی لەگەڵ مانگرتنی گشتیی خەڵکی کوردستان دژی سزای سێدارە لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
ئاژانسی هەواڵدەریی کوردپا
