كوردپا، ئاژانسی هەواڵدەریی كوردستان، بە رەچاوكردنی تەواوی پرەنسیپ و بنەما ئەخلاقی و مرۆییەكان بە مەبەستی دۆزینەوە و شەفافسازی راستییەكان چالاكی دەكات
ڕۆژی یەکشەممە ٦ی سەرماوەز، شۆڕش نیکنام کوڕی ڕەسووڵ خەڵکی گوندی "قەڵاجۆغە" کە لە ڕەوتی خۆپیشاندانە سەرتاسەرییەکان لە شاری مەهاباد، بەهۆی تەقەی هێزە سەرکوتکەرەکان بریندار کرابوو، لە یەکێک لە نەخۆشخانەکانی ورمێ، گیانی لە دەست دا.
سەعدی شاڕۆخی‌فەر، تەمەن ٤۰ ساڵ کوڕی قادر خەڵکی شاری بۆکان، لەلایەن هێزە سەرکوتکەرەکانەوە کوژرا.
ئەسکەندەر لوتفی، وتەبێژی شۆرای هاوئاهەنگیی ڕێکخراوە سێنفییەکانی فەرهەنگییانی ئێران و ئەندامی هەیئەتی بەڕێوەبەریی ئەنجومەنی سێنفیی مامۆستایانی کوردستان - مەریوان، لە زیندانی تارانی گەورە، لەلایەن لێپرسەکانەوە ئازار و ئەشکەنجە دراوە.
هێمن ئامان تەمەن ٢٦ ساڵ کوڕی عەبدولناسر خەڵکی گوندی "قورمێش" دانیشتووی گەڕەکی "مەجبوورئاوا"ی شاری بۆکان، لە گرتنگە و لە ژێر ئازار و ئەشکەنجەدا گیانی لەدەست دا.
دکتر بێهرووز چەمەن ئارا خەڵکی ئیلام، بەرپرسی پێشووی لێکۆڵینەوەکانی کوردستانناسی و لە مامۆستایانی گرووپی زمان و وێژەی کوردیی زانکۆی کوردستان، دەسبەسەر کرا.
ڕۆژی هەینی ٤ی سەرماوەز، دوو منداڵی خەڵکی شاری سەردەشت بە تەقەی هێزەکانی سپای پاسداران بریندار بوون کە بارودۆخی یەکێکیان، نالەبار ڕاگەیەندراوە.
"سیروس عەباسی"، "ئازاد عەباسی" و "مێهدی جەوانمەردی" لە چالاکانی مەدەنیی شاری دێولان، لە زیندانی سنە ڕاگیراون و چارەنووسیان ناڕوونه.
ئەمڕۆ پێنجشەممە ۳ی سەرماوەز، هاووڵاتییەکی کورد بە ناوی "شەماڵ خەدیری" تەمەن ۳۲ ساڵ کوڕی حەسەن و خەڵکی مەهاباد کە بەتەقەی هێزە سەرکوتکەرەکان بە توندی بریندار کرابوو، له نەخۆشخانەی "خومەینی"ٚ ـی ورمێ، گیانی لەدەست دا.
سیاوەش حەیاتی، وتەبێژی کۆڕی ڕاوێژکاری چالاکانی مەدەنیی یارسان و سکرتێری بەرەی یەکگرتووی کورد، لەلایەن لقی ٥ی دادگای ئینقلابی کرماشان جێگیر لە شاری شاباد، ساڵێک زیندانی تەعزیریی بەسەردا سەپێندرا.
ڕوژی دووشەممە ۳۰ی خەزەڵوەر، هاووڵاتییەک بە ناوی "کورش پاژخ" کوڕی محەممەد موراد و دانیشتووی شاری قەسری شیرین، بەهۆی تەقەی هێزە سەرکوتکەرەکان لە کرماشان، گیانی لەدەست دا.
ئاژانسی هەواڵدەریی کوردپا
