كوردپا، ئاژانسی هەواڵدەریی كوردستان، بە رەچاوكردنی تەواوی پرەنسیپ و بنەما ئەخلاقی و مرۆییەكان بە مەبەستی دۆزینەوە و شەفافسازی راستییەكان چالاكی دەكات
ڕۆژی پێنجشەممە، ٢٦ی گەلاوێژ، زیبا قلیچ‌خانی، لە دەسبەسەرکراوانی بزووتنەوەی ژن، ژیان، ئازادی لە بیجاڕ، پاش تێگەیاندنی لە تۆمەتەکانی لە دادگای ئەم شارەدا، سەرلەنوێ دەسبەسەر کرایەوە و ڕەوانەی کانوونی ئێسڵاح و تەربییەتی سنە کرا.
ڕۆژی شەممە، ٢٨ی گەلاوێژ، خەدیجە مێهدی‌پوور، زیندانیی سیاسیی پێشوو، کە لەلایەن لقی ١٠٣ی دادگای کەیفەری ٢ی ئیلامەوە بە سێ مانگ و یەک ڕۆژ زیندانی تەعزیری مەحکووم کرابوو، بە مەبەستی جێبەجێکرانی حوکمەکەی ڕەوانەی زیندانی ئیلام کرا.
سامان پاشایی، خاوەنی میداڵی جیهانیی کوشتیی فەرەنگی و خەڵکی سەقز، ٥٢ ڕۆژە لە ژووری تاکەکەسیی گرتنگەی ئیتلاعاتی سنەدا بە مەبەستی وەرگرتنی دانپێدانانی زۆرەملێ، لەژێر گوشاری هێزە ئەمنییەتییەکاندایە.
سەرلەبەیانیی ڕۆژی چوارشەممە، ٢٥ی گەلاوێژ، حوکمی لەسێدارەدرانی زیندانییەک بە ناوی "ئیبراهیم مەولوودپوور"، خەڵکی بۆکان، لە زیندانی دێزفوول جێبەجێ کرا.
سەرەڕای تێپەڕبوونی ٢٤ ڕۆژ، بەسەر دەسبەسەرکرانی ئومید مەزڵووم، برای موحسن مەزڵووم، زیندانیی سیاسیی کورد، چارەنووسی ناوبراو هەروا ناڕوونە و لە زیندانی مەهابادە.
ڕۆژی پێنجشەممە، ٢٦ی گەلاوێژ، هاووڵاتییەکی کورد بە ناوی "شۆڕش ئیبراهیمی"، خەڵکی گوندی "گەرگولی خوارێ"، سەر بە شاری پیرانشار، بە دانانی بارمتە و بە شێوەی کاتی لە زیندانی نەغەدە ئازاد کرا.
سەرلەبەیانیی ڕۆژی چوارشەممە، ٢٥ی گەلاوێژ، دوو هاووڵاتی بە ناوەکانی "حەمزە قانعی" و "عومەر حوسێنزادە"، خەڵکی پیرانشار، لەلایەن هێزە ئەمنییەتییەکانەوە دەسبەسەر کران و بۆ شوێنێکی نادیار ڕاگوێزران.
سەرلەبەیانیی ڕۆژی سێشەممە، ٢٤ی گەلاوێژ، هاووڵاتییەکی کورد بە ناوی "حوسێن مەحموودپوور"، تەمەن ٤٦ ساڵ و خەڵکی گوندی "گەرگولی خوارێ"، سەر بە شاری پیرانشار، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
ڕۆژی پێنجشەممە، ٢٦ی گەلاوێژ، کۆڵبەرێک بە ناوی "جەلال سوهرابی"، کوڕی کەریم، خەڵکی گوندی "تاژەبان"، سەر بە شاری بانە، بە تەقەی هێزە نیزامییەکانی حکوومەت لە سنووری ئەم شارە، بریندار بوو.
ڕۆژی پێنجشەممە، ٢٦ی گەلاوێژ، فرمێسک بابایی، هاووڵاتیی خەڵکی پاوە، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
ئاژانسی هەواڵدەریی کوردپا
