بەهۆی ناڕەزایەتیی هاووڵاتییان لە شارەکانی جوانڕۆ، کرماشان، سنە، مەریوان و بۆکان، سەرەڕای وەسل نەکردنی هێڵی ئینتێرنێتی ئەو چەند شارە، شوێنە گشتییەکانی ئەو شارانەش بە مەئموورانی نیزامی و لیباس شەخسییەکان، تەندراوە.
کاسبکارێکی کوردی خەڵکی ساحێبی سەقز، بە تەقەی هێزە نیزامییەکانی حکوومەت گیانی لەدەست دا.
کۆڵبەرێکی کوردی خەڵکی مەریوان، بەهۆی جڵتەی دڵەوە، لە گەردەنەی تەتەی هەورامان، گیانی خۆی لەدەست دا.
دەسبەسەرکردنی بەربڵاوی هاووڵاتییانی کورد لە شارەکانی کوردستان لەلایەن هێزە ئیتلاعاتییەکانەوە بەردەوامە.
شوناسی هاووڵاتییەکی کوردی خەڵکی شاری سونقوور و کولیایی سەر بە کرماشان و دانیشتووی شاری قەزوێن کە بە تەقەی مەئموورانی حکوومەت لە کەرەج کوژرابوو، ڕوون بووەوە.
بەهۆی تەقەی هێزە نیزامییەکانی حکوومەت لە شنۆ و پیرانشار، کاسبکارێک و کۆڵبەرێکی خەڵکی سەڵماس و مەهاباد گیانیان لەدەست دا.
بەرەی یەکگرتووی کورد لە بەیاننامەیەکدا، دەسبەسەرکردنی وتەبێژی ئەو بەرەیەی پشتڕاست کردەوە.
زیندانییەکی سیاسیی کوردی خەڵکی شنۆ، بەهۆی گوشارەکانی بەرپرسانی زیندانی ناوەندیی ورمێ، پەڕیوەی یەکێک لە وڵاتانی دراوسێی ئێران بوو.
دەسبەسەرکراوانی کۆبوونەوە ناڕەزایەتییەکانی ئەم دواییانە لە شارەکانی کوردستان، بۆ وەرگرتنی دانپێدانانی زۆرەملێ، ئازار و ئەشکەنجە دراون.
ناڕەزایەتییەکانی هاووڵاتییان لە شاری کرماشان بە تایبەتی لە گەڕەکی "جافرئاوا"ی ئەو شارە بەردەوامە و لەو پەیوەندییەدا، شەڕ و پێکدادان لە نێوان هاووڵاتییانی ناڕازی و مەئموورانی حکوومەتی لەو گەڕەکە هاتە ئاراوە.
ئاژانسی هەواڵدەریی کوردپا
