چالاکێکی سیاسیی کوردی خەڵکی کامیاران و نیشتەجێی وڵاتی تورکیە، لەلایەن کاربەدەستانی ئەو وڵاتەوە ڕادەستی ئێران کرایەوە و هەروەها چالاکێکی سیاسیی دیکەی کوردی خەڵکی مەریوان، مەترسیی دیپۆرتکردنەوەی لەلایەن دەوڵەتی ڕۆمانییەوە لە سەرە.
کاسبکار و کۆڵبەرێکی کوردی خەڵکی سەردەشت بە تەقەی هێزە نیزامییەکانی حکوومەت کوژران و بریندار بوون.
خەڵاتی تایبەتی پڕۆفیسۆر حیسابی، بەهۆی نووسینی باشترین تێز لە ئێران، درایە لێکۆڵەرێکی کوردی خەڵکی شاری نۆدشە.
دوو زیندانی لە زیندانی ورمێ بەهۆی تووشبوون بە نەخۆشیی ئانفوڵانزاوە گیانیان لەدەست دا و هاوکات ١٠ زیندانیی تر بە نیشانەی ناڕەزایەتی دەربڕین بە نەبوونی خزمەتگوزاریی تەندروستی، مانیان گرتووە.
ئیتلاعاتی سپای پاسداران لە پاوە، هاووڵاتییەکی بانگهێشتی ئەو ناوەندە حکوومەتییە کرد و لێپرسینەوەی لەگەڵ کرد.
سێ هاووڵاتیی کوردی خەڵکی سنە و دانیشتووی دەماوەند، لەلایەن هێزە ئیتلاعاتییەکانەوە دەسبەسەر و بۆ شوێنێکی نادیار ڕاگوێزران.
لاوێکی کوردی خەڵکی شنۆ، بۆ تێپەڕاندنی ماوەی زیندانیبوونەوەکەی، بۆ زیندانی نەغەدە ڕاگوێزرا.
کۆنسێرتی مۆسیقای گرووپی ئۆرکێسترای مەریوان، بە حورمەتی بنەماڵەی هاووڵاتییانی گیانبەختکردووی کۆبوونەوە ناڕەزایەتییەکانی مانگی خەزەڵوەڕ، هەڵوەشایەوە.
ئیدارەی ئیتلاعاتی پاوە چوار هاووڵاتیی خەڵکی ئەو شارەی بانگهێشت کرد و لێپرسینەوەیان لەگەڵ کراوە.
هاووڵاتییەکی کوردی خەڵکی شنۆ پاش بڕینەوەی حوکمی دەسبەسەرکردنی و بۆ جێبەجێ کردنی حوکمەی، ڕەوانەی زیندانی ئەو شارە کراوە.
ئاژانسی هەواڵدەریی کوردپا
