لاوێکی سەقزی دەسبەسەر کرا
ڕۆژی چوارشەممە ٢٢ی گەلاوێژ، لاوێکی کورد بە ناوی "ڕەحمان ڕەحیمپوور" خەڵکی شاری سەقز، لە پارکی لالەی ئەو شارە لەلایەن هێزە ئەمنییەتییەکانەوە دەسبەسەر کرا.
ڕۆژی چوارشەممە ٢٢ی گەلاوێژ، لاوێکی کورد بە ناوی "ڕەحمان ڕەحیمپوور" خەڵکی شاری سەقز، لە پارکی لالەی ئەو شارە لەلایەن هێزە ئەمنییەتییەکانەوە دەسبەسەر کرا.
لە چارەنووسی مامۆستایەکی ئایینیی کورد بە ناوی "فایەق شەریعەتپەنا" تەمەن ٣٥ ساڵ کوڕی نەجمەدین، پێشنوێژی گوندی "حاجی ئاوا" سەر بە ناوچەی "چۆمی مەجیدخانـ"ـی بۆکان، پاش دەسبەسەرکرانی هیچ زانیارییەک لەبەردەستدا، نییە.
ڕۆژی چوارشەممە ٢٢ی گەلاوێژ، ماڵپەڕەکانی حکوومەتی ئێران، لە هەواڵێکدا، باسیان لە کوژرانی پاسدارێک بە ناوی "حامید سەیفی" لە ناوچەی سەردەشت ـ مەهاباددا کرد.
ڕۆژی پێنجشەممە ٢٣ی گەلاوێژ، هاووڵاتییەکی کورد بە ناوی "خدر عەزیزی" خەڵکی گوندی "بێورانی خوارێ" سەر بە بەخشی ناوەندیی شاری سەردەشت، پاش تەواوبوونی ماوەی لێپرسینەوەکەی بە دانانی بارمتە بە شێوەی کاتی هەتا کاتی دادگاییەکەی ئازاد کرا.
ماوەی زیندانیی هاووڵاتییەکی کورد بە ناوی "نادر مەجیدیان" کوڕی "ئیبراهیم" خەڵکی سەقز، لە دادگای پێداچوونەوەی سنە لە ٦ مانگ زیندانیی تەعزیری بۆ ٤ مانگ زیندانیی تەعزیری کەم کرایەوە.
ڕۆژی پێنجشەممە ٢٣ی گەلاوێژ، کۆڵبەریکی کورد بە ناوی "هادی خدری" کوڕی "عەلی"، تەمەن ٢٢ ساڵ و خەڵکی گوندی "کەریم ئاوا"ی بانە، بە تەقەی هێزە نیزامییەکانی حکوومەتی ئێران گیانی لەدەست دا.
پارێزەری دۆسیەی "حەیدەر قوربانی" زیندانیی سیاسیی مەحکووم بە ئێعدام داوای بەدواداچوون لە لقی هاوتەریب لە دادگای ئینقلابی سنەی کرد.
ڕۆژی چوارشەممە ٢٢ی گەلاوێژ، حوکمی ٥ ساڵ زیندانیی تەعلیقی بۆ ماوەی چوار ساڵ لەلایەن لقی ١ی دادگای ئینقلابی شاری سنە بە "هاجەر سەعیدی"، چالاکی مافی ژنان ڕاگەیەندرا.
ڕۆژی دووشەممە ٢٠ی گەلاوێژ، مامۆستایەکی ئایینی بە ناوی "فایەق شەریعەت پەنا" کوڕی "نەجمەدین" تەمەن ٣٥ ساڵ، پێشنوێژی مزگەوتی گوندی "حاجی ئاوا"ی ناوچەی چۆمی مەجیدخانی بۆکان، لەلایەن هێزە ئەمنییەتییەکانەوە دەسبەسەر کرا.
ڕۆژی سێشەممە ٢١ی گەلاوێژ، کۆڵبەرێک بە ناوی "ڕەزا عەبدوڵڵاهی" خەڵکی گوندی "تاوەگوزی" سەر بە شاری سەلاسی باوەجانی، لەلایەن هێزە نیزامییەکانی حکوومەتەوە، لە سنووری نەوسوود ئازار و ئەشکەنجە درا.