پاش بڵاوبوونەوەی هەواڵی کوژرانی یەکێک لە مەئموورانی حکوومەتی ئێران لە ورمێ، بەرپرسانی هێزە نیزامییەکانی حکوومەت و کاناڵەکانی سەر بە حکوومەت، هەر کامەیان و بە جۆرێک باسیان لە کوژرانی ئەو مەئموورە نیزامییە کرد.
حوکمی ئێعدامی "حەیدەر قوربانی"، زیندانیی سیاسیی کورد لە گرتووخانەی ناوەندیی شاری سنە، لە لقی ٢٧ی دیوانی باڵای وڵات لە قوم پشتڕاست کرایەوە.
سەرلەبەیانیی ڕۆژی پێنجشەممە ١٦ی گەلاوێژ، سێ لاوی کورد بە ناوەکانی "یەحیا سەید مورادی" تەمەن ١٩ ساڵ، "ئارش دارابی" تەمەن ١٨ ساڵ و "ئەفشین سەید مورادی" تەمەن ٢٠"، خەڵکی گوندی "دارابـ"ـی بەخشی ڕێژاوی شاری داڵاهۆ، لەلایەن هێزە…
ڕۆژی پێنجشەممە ١٦ی گەلاوێژ، کۆڵبەرێکی کورد بە ناوی "موبین حوسێنی" کوڕی "سیرووس"، تەمەن ١٦ ساڵ و خەڵکی گوندی "دووریسانـ"ـی پاوە، بەهۆی ئازار و ئەشکەنجەی هێزە نیزامییەکانی حکوومەتەوە بریندار بووە.
لاوێکی تەمەن ١٧ ساڵە بە ناوی "پارسا ڕۆستەمی" خەڵکی پاوە، لەلایەن هێزە ئەمنییەتییەکانەوە دەسبەسەر کرا.
ڕۆژی پێنجشەممە ١٦ی گەلاوێژ، کۆڵبەرێکی کورد بە ناوی "خالید غەفووری" تەمەن ٤٩ ساڵ و خەڵکی گوندی "باوا"ی شاری مەریوان، بەهۆی ڕووداوی هاتوچۆوە گیانی لەدەست دا.
ڕێکخراوی لێبووردنی نێونەتەوەیی داوای لە بەرپرسانی حکوومەتی ئێران کرد کە "فاتمە دادوەند" یەکێک لە ناڕازییانی کۆبوونەوە ناڕەزایەتییەکانی مانگی خەزەڵوەری ساڵی ٩٨، ئازاد بکەن.
حوکمی ۳ ساڵ زیندانیی تەعزیریی "محەمەدشەریف سالم"، زیندانیی سیاسیی کورد لە گرتووخانەی زیندانی ناوەندیی ورمێ، بۆ ساڵێک و ٦ مانگ زیندانیی تەعزیری کەم کرایەوە.
ڕۆژی چوارشەممە ۱٥ی گەلاوێژ، پێنج چالاکی مەدەنی بە ناوەکانی "هیوا قادری، هێمن کەریمی، ئارمیا ڕەنجبەری، هیوا و وریا ئەمینی" خەڵکی سەقز، لەلایەن هێزە ئەمنییەتییەکانی حکوومەتەوە دەسبەسەر کراون و بۆ شوێنێکی نادیار ڕاگوێزراون.
ڕۆژی پێنجشەممە ١٦ی گەلاوێژ، فاتمە دادوەند، هاووڵاتیی بۆکانی کە لە ڕەوتی کۆبوونەوە ناڕەزایەتییەکانی مانگی خەزەڵوەری ساڵی ٩٨ دەسبەسەر و بە زیندان مەحکووم کرابوو، بۆ تێپەڕاندنی ماوەی زیندانییەکەی ڕەوانەی زیندانی ورمێ کرا.
ئاژانسی هەواڵدەریی کوردپا
