ڕۆژی دووشەممە ٢٤ی سەرماوەز، هاووڵاتییەکی کورد بە ناوی "خیرەت پەروازه" کوڕی "ڕەحمان"، تەمەن ٣٠ ساڵ و خەڵکی گوندی "نێـ"ـی مەریوان، بۆ تێپەڕاندنی ماوەی حوکمەکەی بۆ زیندانی ئەم شارە ڕاگوێزرا.
کرێکارانی بەنداوی "چەپەراوێـ"ـی شاری شنۆ، ماوەی ٤ مانگە پارەیان وەرنەگرتووە و خاوەنکاری ئەو بەنداوە هەڕەشەی دەرکردنیانی لێ کردووە.
لە کێىڕکێی ئازادی تیرهاویشتنی نێونەتەوەیی لە وڵاتی میسر، وەرزشوانە تیرهاوێژەکانی ئیلام توانییان سێ پلەی قارەمانیەتی بەدەست بهێنن.
ڕۆژی دووشەممە ٢٣ی سەرماوەز لە تۆڕە کۆمەڵایەتییەکاندا هەواڵێک سەبارەت بە کوژرانی ژنێک لەلایەن مێردەکەیەوە لە شاری داڵاهۆ بڵاو بووەوە.
هاووڵاتییەکی کورد بە ناوی "عیرفان مۆرتەزایی" کوڕی "عیزەتوڵڵا"، تەمەن ٣٢ ساڵ و خەڵکی سەقز لەلایەن لقی ١ی دادگای ئینقلابی ئەو شارەوە بە سەرۆکایەتی قازی "جەواد مستەفایی" بە دوو ساڵ زیندانیی تەعزیری مەحکووم کرا.
"کامیل ئەحمەدی" لێکۆڵەری کورد، بە تۆمەتی "هاوکاری لەگەڵ دەوڵەتانی دژبەری ئێران" لەلایەن لقی ١٥ی دادگای ئینقلابی تاران، ٨ ساڵ زیندانیی تەعزیریی بەسەردا سەپێندرا.
زیندانییەک بە تاوانی "قەتڵ" بە ناوی "مەهدی مستەفازادە بردیانی" کوڕی "مەدەنی" خەڵکی گوندی "مەڕنە"ی ناوچەی سۆما و برادۆستی ورمێ، بۆ ڕزگاربوون لە ئێعدام، پێویستیی بە یارمەتیی ماڵیی هەیە.
ڕۆژی شەممە ٢٢ی سەرماوەز، هاووڵاتییەکی کورد بە ناوی "زەهرا ئیسماعیلی" کچی "ڕەسووڵ"، تەمەن ١٧ ساڵ و خەڵکی گوندی "باوان" سەر بە ناوچەی مەرگەوڕی ورمێ، پاش چەند ڕۆژ لە خۆسووتاندنی، بەهۆی قورسیی برینەکەیەوە گیانی لەدەست دا.
لە ماوەی ڕۆژانی ڕابردوودا، هاووڵاتییەکی کورد بە ناوی "مێحراب بەختی" کوڕی "ئەیووب" و خەڵکی ئیلام، بۆ جێبەجێکردنی حوکمەکەی دەسبەسەر و ڕەوانەی زیندانی ناوەندیی ئەو شارە کرا.
ڕۆژی هەینی ٢١ی سەرماوەز، "باپیرە بەرزە" زیندانیی سیاسیی کوردی خەڵکی گوندی "چیانە"ی پیرانشار پاش تەواوبوونی ماوەی مەرەخەسییەکەی گەڕایەوە زیندانی نەغەدە.
ئاژانسی هەواڵدەریی کوردپا
