ڕۆژی پێنجشەممە ٢٠ی خەزەڵوەر، عومەر شەریفی بۆکانی زیندانیی سیاسیی پێشووی خەڵکی شاری بۆکان و دانیشتووی شاری تاران، لەلایەن هێزە ئەمنییەتییەکانەوە دەسبەسەر کرا.
ئەمڕۆ پێنجشەممە ٢٠ی خەزەڵوەر، "ئیرەج عەبادی" ڕۆژنامەنووس، شاعیر و نووسەری کورد لە گرتنگەی ئیدارەی ئیتلاعاتی سنە ئازاد کرا.
ڕۆژی دووشەممە ١٧ی خەزەڵوەر، هاووڵاتییەکی خەڵکی پیرانشار بە ناوی "سۆعدا خەدیرزادە" کچی "ڕەحیم"، لە گرتنگەی ئیتلاعاتی سپای پاسداران بۆ زیندانی ناوەندیی ئەو شارە ڕاگوێزرا.
ڕۆژی دووشەممە ١٧ی خەزەڵوەر، هاووڵاتییەکی کورد بە ناوی "ئەنوەر ڕەسووڵی" کوڕی "ڕەسووڵ" و تەمەن ٤٥ ساڵ، خەڵکی گوندی "ئەولەسەنـ"ـی بانە، بە دانانی بارمتە لە یەکێک لە گرتنگە ئەمنییەتییەکانی ئەو شارە ئازاد کرا.
لە ماوەی ڕۆژانی ڕابردوودا دانیشتوویەکی خەڵکی بانە بە ناوی "هوشیار شەعبانی" بەهۆی خوێنبەربوونی گەدە لە گرتنگەی ئیدارەی ئیتلاعاتی ئەو شارە بۆ نەخۆشخانەی سەلاحەدینی ئەیووبی ڕاگوێزراوە.
ئێوارەی ڕۆژی چوارشەممە ١٩ی خەزەڵوەر، بەهۆی تەقینەوەی یەکێک لە مینە بەجێماوەکانی شەڕی ئێران و عێراق لە شاری مێهران سەر بە پارێزگای ئیلام، دوو هاووڵاتی بوون قوربانی.
لە ڕۆژانی ڕابردوودا ژنێکی خەڵکی پیرانشار بە ناوی "نیشتمان شوجاعی" لە ڕێگای خۆهەڵواسینەوە کۆتایی بە ژیانی خۆی هێنا.
پاش شاردنەوەی ڕاستییەکان لەمەڕ کوژرانی زیندانییەکی کورد لە زیندانی سنە و هەوڵی شاردنەوەی ڕاستییەکان لەلایەن بەرپرسانی حکوومەتەوە، دەنگ و ڕەنگی ئێران لە هەوڵێکی چەواشەکارییانەدا، گرتە ڤیدیۆیەکی لە گیانلەدەستدانی "خوسرەو جەماڵیفەڕ" لە ژووری…
ڕۆژی دووشەممە ١٧ی خەزەڵوەر، هاووڵاتییەکی کورد بە ناوی "سەردار ڕامین" کوڕی "خالید" و خەڵکی گوندی "قاڕنێـ"ـی شاری نەغەدە، بە دانانی بارمتە لە گرتنگەی ئیتلاعاتی سپای پاسداران لە ورمێ ئازاد کرا.
ڕۆژی دووشەممە ١٧ی خەزەڵوەر، کۆڵبەرێکی کورد بە ناوی "کەریم خەندەدار" خەڵکی گوندی "میر شێخ حەیدەر"ی شاری سەردەشت، بە تەقەی هێزە نیزامییەکانی حکوومەت بریندار کرا.
ئاژانسی هەواڵدەریی کوردپا
