کۆڵبەرێکی کورد بەهۆی جەڵتەی دڵەوە گیانی لەدەست دا
سەرلەبەیانیی ئەمڕۆ یەکشەممە ١ی ڕەشەمە، کۆڵبەرێکی کورد بە ناوی "عەلی دەروێشانفەرد" خەڵکی شاری سەلاسیباوەجانی، بەهۆی جەڵتەی دڵەوە لە سنووری نەوسوود، گیانی لەدەست دا.
سەرلەبەیانیی ئەمڕۆ یەکشەممە ١ی ڕەشەمە، کۆڵبەرێکی کورد بە ناوی "عەلی دەروێشانفەرد" خەڵکی شاری سەلاسیباوەجانی، بەهۆی جەڵتەی دڵەوە لە سنووری نەوسوود، گیانی لەدەست دا.
ڕۆژی شەممە ٣٠ی ڕێبەندان، هاووڵاتییەکی کورد بە ناوی "سەلاح پزیشکی" خەڵکی شاری بانە، بە دانانی بارمتەی ٢٠٠ ملیۆن تمەنی هەتا کاتی دادگاییەکەی لە زیندانی ناوەندیی سنە ئازاد کرا.
ڕۆژی شەممە ٣٠ی ڕێبەندان، هاووڵاتییەکی کورد بە ناوی "لوقمان سەیدە (جۆڵا)" خەڵکی شاری پیرانشار، لەلایەن هێزە ئەمنییەتییەکانەوە دەسبەسەر کرا.
ئێوارەی ڕۆژی هەینی ٢٩ی ڕێبەندان، ژنێک بە ناوی "فاتمە سامتی" بە کەرەستەکانی چەقۆ و تەور، لەلایەن مێردەکەیەوە کوژرا.
ئەمڕۆ شەممە ٣٠ی ڕێبەندان، هێزە ئەمنییەتییەکان لە ئەنجامی بەدواداچوونی بنەماڵەی کەیۆمەرس لەتیفی بۆ ئاگاداربوون لە چارەنووسی ناوبراو، خوشکی ئەو چالاکە مەدەنییەیان بە ناوی "ئارەزوو لەتیفی" دەسبەسەر کرد.
لە ماوەی ڕۆژانی ڕابردوودا هاووڵاتییەکی کورد بە ناوی "کەماڵ عەباسیوەند" خەڵکی شاری بۆکان، بۆ جێبەجێکردنی ماوەی زیندانییەکەی ڕەوانەی زیندانی ئەو شارە کرا.
ڕۆژی دووشەممە ٢٥ی ڕێبەندان، "شەمزین محەممەدی" زیندانی سیاسیی خەڵکی گوندی "ئالی کەند"ی شاری بۆکان، پاش تەواوبوونی ماوەی مەرەخەسییەکەی گەڕایەوە بۆ زیندانی ئەو شارە.
پیاوێکی تەمەن ٥٢ ساڵ خەڵکی یەکێک لە گوندەکانی شاری هلیلان سەر بە پارێزگای ئیلام، پاش کوشتنی بووکە تەمەن ٢٢ ساڵەکەی، کۆتایی بە ژیانی خۆی هێنا.
کرێکارێکی کورد بە ناوی "پەیمان حەیرانی" تەمەن ٣٢ ساڵ و خەڵکی شاری ڕوانسەر، لە شوێنی کارەکەی گیانی لەدەست دا.
ڕۆژی پێنجشەممە ٢٨ی ڕێبەندان، جەنازەی "جەلیل ڕەوانگەرد" و "سومەیە جامخانە" ژن و مێردی پەناخوازی مەریوانی کە مانگی ڕابردوو لە کاتی ڕۆیشتن بۆ ئورووپا، لە ئاوەکانی یوونان خنکابوون، گەڕێندرانەوە مەریوان و ئەسپەردەی خاک کران.