ڕۆژی یەکشەممە ٣ی ڕێبەندان، چالاکێکی مەدەنیی کورد بە ناوی "فەرهەنگ عێوەزی"، کوڕی "محەممەدعەلی"، تەمەن ٣٠ ساڵ و خەڵکی گوندی "تەنگیسەر" سەر بە سنە، پاش ٤٣ ڕۆژ لە دەسبەسەرکرانی بە دانانی بارمتە لە گرتنگەی ئیدارەی ئیتلاعاتی ئەو شارە ئازاد کرا.
ئەمڕۆ یەکشەممە ٣ی ڕێبەندان، "عەلی ڕۆستەمی"، هاووڵاتییەکی تەمەن ٣٨ ساڵ خەڵکی گوندی "چشمە کەبوود" سەر بە شاری ئیلام، بەهۆی یارمەتینەدانی لەلایەن ئەو ناوەندە حکوومەتییەوە، هەوڵی خۆسووتاندنی دا.
ڕۆژی چوارشەممە ٢٩ی بەفرانبار، هاووڵاتییەکی کورد بە ناوی "ئارەش محەممەدی"، کوڕی "ئەحمەد"، تەمەن ٣٢ ساڵ و خەڵکی گوندی "نجێ" سەر بە سنە، لە کاتی گەڕانەوەی لە هەێمی کوردستان لەلایەن هێزە ئەمنییەتییەکانەوە دەسبەسەر کرا.
ڕۆژی هەینی ١ی ڕێبەندان، لاوێک بە ناوی "موبین عوسمانی" کوڕی ئەنوەر، خەڵکی شاری بانە، کۆتایی بە ژیانی خۆی هێنا.
ڕۆژی هەینی ١ی ڕێبەندان، هاووڵاتییەکی کورد بە ناوی "وریا حەسەنی"، خەڵکی بانە لە ئەنجامی تەقەی ڕاستەوخۆی هێزە نیزامییەکانی حکوومەتی ئێران بە توندی بریندار کرا.
ڕۆژی پێنجشەممە ٣٠ی بەفرانبار، هاووڵاتییەکی کورد بە ناوی "چەکۆ قەلەندەری"، کوڕی "حوسێن" و خەڵکی گوندی "کۆییک" سەر بە نەغەدە، بە دانانی بارمتە لە زیندانی ئەو شارە ئازاد کرا.
ڕۆژی پێنجشەممە ٣٠ی بەفرانبار، دوو هاووڵاتیی کورد بە ناوەکانی "سەرهەنگ عەلیزادە" کوڕی "ڕەزا" و "فەرزین عەبدوڵڵازادە" کوڕی "خالید" خەڵکی گوندی "کۆییک" سەر بە شاری نەغەدە، بە دانانی بارمتە لە زیندانی ئەو شارە ئازاد کران.
بە پشتبەستن بە ئاماری تۆمارکراو لە ناوەندی ئاماری ڕێکخراوی مافی مرۆیی کوردپا، لە ماوەی مانگی بەفرانباری ئەمساڵدا، ١٢ کۆڵبەری کورد لە سنوورەکانی کوردستان کوژرا و بریندار بوونە و ٣ کۆڵبەری دیکە لەنێو بەفر و کڕێوەدا بێسەروشوێن بوونە.
شەوی ڕابردوو، دوو خوشک و برایەکی مێرمنداڵ، خەڵکی شاری سەقز، بوونە قوربانیی پەنگخواردنەوەی گازی مۆنۆکسیدی کەربۆن.
داخرانی ڕێگا و بانەکانی گوندەکانی شارەکانی کوردستان بەهۆی هاتنی شەپۆلی بارینی بەفر و نەکرانەوەی ڕێگای گوندەکان بۆ شارەکان، کێشە و گرفتی زۆری بۆ هاووڵاتییان دروست کردووە.
ئاژانسی هەواڵدەریی کوردپا
