سەرەڕای تێپەڕینی ٣٩ ڕۆژ بە سەر دەسبەسەرکرانی هاووڵاتییەکی کورد بە ناوی "لوقمان گرامی" کوڕی ئیبراهیم خەڵکی گوندی "سەردۆشی مەریوان، لە چارەنووسی ناوبراو هیچ زانیارییەک لە بەردەستدا، نییە.
لە ماوەی ڕۆژانی ڕابردوودا، کۆڵبەریک بە ناوی "عەبدوڵڵا جەبارزادە" خەڵکی شاری سەردەشت، بەهۆی تەقەی هێزە نیزامییەکانی حکوومەتی لە سنووری "نۆکان"ی ئەو شارە، پێکرا.
ڕۆژی هەینی ١١ی خەرمانان، عەتا ڕەحمانزادە، زیندانیی سیاسیی کورد پاش تەواوبوونی ماوەی زیندانییەکەی، لە زیندانی سەقز ئازاد کرا.
بەپێی ڕاپۆرتی ڕێکخراوی مافی مرۆڤی ئێران، ڕۆژی چوارشەممە ٩ی خەرمانان، حوکمی لە سێدارەدانی هاووڵاتییەک بە ناوی "محەممەدحەسەن کەهراری" تەمەن ٢٧ ساڵ خەڵکی شاری کرماشان، لە زیندانی ئەراک جێبەجێ کرا.
ڕۆژی پێنجشەممە ١٠ی خەرمانان، کۆڵبەرێکی بە ناوی "ئەیووب مەولوودی" خەڵکی گوندی "تینـ"ـی شاری پاوە، بەهۆی تەقەی هێزە نیزامییەکانی حکوومەتی لە سنووری نەوسوود، پێکرا.
ڕۆژی پێنجشەممە ١٠ی خەرمانان، هاووڵاتییەکی کورد بە ناوی "ڕەحمەت ئابجامە" خەڵکی مەهاباد، بە دانانی بارمتەی ٨٠٠ میلیۆن تمەنی لە زیندانی ئەو شارە، ئازاد کرا.
ڕۆژی سێشەممە ٨ی خەرمانان، مێرمنداڵێک بە ناوی "شەهداد نێعمەتی" تەمەن ١٣ ساڵ کوڕی محەممەدنەجیب خەڵکی گوندی "تەختە"ی بەخشی ناوەندیی شاری سنە، هەوڵی خۆکوژیدا و کۆتایی بە ژیانی خۆی هێنا".
ڕۆژی پێنجشەممە ١٠ی خەرمانان، کۆڵبەریک بە ناوی "کەریم ڕەسووڵی" کوڕی حەسەن خەڵکی شاری بانە، بەتەقەی هێزە نیزامییەکانی حکوومەتی لە سنووری ئەو شارە پێکرا.
ئەمڕۆ پێنجشەممە ١٠ی خەرمانان، عەلی ئەڵڵاوەیسی، ئەندامی کەمپەینی "ژیانەوەی کوردستان" بۆ جێبەجێکردنی حوکمەکەی ڕەوانەی زیندانی سنە، کرا.
ئیسماعیل محەممەدپوور، زیندانیی سیاسیی کورد خەڵکی شاری پیرانشار، کە لە زیندانی نەغەدە دایە، سەرەڕای نەخۆشیی دڵ، لە دەوا و دەرمان و دەستپێڕاگەیشتن بە ئیمکاناتی پزیشکی بێبەری کراوە.
ئاژانسی هەواڵدەریی کوردپا
