شەش كەس لە مەئموورانی ئیدارەی ئیتلاعاتی حكوومەتی ئیسلامیی ئێران، چوونەتە زیندانی سمنان و هەڕەشەی جێبەجێ كردنی حوكمی ئیعدامیان لە حەبیبوڵڵا گولپەری پوور زیندانی سیاسیی كورد -كرد.
فیلمی دیكیۆمێنتی "بەكرێگیراوی سپی" لە دەرهێنانی سینەماكاری كورد "تەها كەریمی" بەشداری لە پێنجەمین خولی فێستیڤاڵی نێودەوڵەتیی فیلمی "گۆڵف" لە وڵاتی ئیمارات دەكات.
كۆ كردنەوەی زبل بە شێوەی ناتەندرووست و غەیرە ستاندارد لە شاری ئابدانان لە پارێزگای ئیلام ناڕەزایەتیی هاووڵاتیانی لێكەوتۆتەوە و لە هەمان كاتیشدا هەڕەشەیەكی زۆر جیدیە بۆ سەر تەندروستییان.
لە رۆژانی رابردوودا لاوێكی كوردی خەڵكی بەخشی "ئەزگەلە"ی سەر بە شاری سەلاس باوەجانی لە شاخی "بەمۆ" لەسەر سنووری ئێران و هەرێمی كوردستان كەوتۆتە سەر مین و گیانی لەدەست داوە.
نوێنەری وەزارەتی پێشمەرگەی حكوومەتی هەرێمی كوردستان رایگەیاند، سەرۆك وەزیری عێراق هەتا ئێستا چەندین پلانی دژ بە كوردی لەنێو سوپای عێراق داڕشتووە.
كتبخانەی گشتیی سۆران و نووسینگەی سەندیكای رۆژنامەنووسانی سۆران، بە هاوكاریی قایمقامیەتی سۆران، بە بۆنەی سەد و سیزدەیەمین ساڵڕۆژی رۆژنامەگەریی كوردی و رۆژی جیهانیی كتێب، فێستیڤاڵێكی فەرهەنگی لە شارۆچكەی سۆران لە هەرێمی كوردستان بەڕێوە دەچێت.
بەپێی ئامارێكی یەكەی پشكنینی خۆراك لە سنووری پەرویزخان لە پارێزگای دیالەی عێراق، تەنها لە ماوەی یەك مانگدا، زیاتر لە160 تۆن خۆراكیی خراپ و بەسەرچوو كەلە ئێرانەوە هاتووە، دەستی بەسەردا گیراوە.
ئەنجومەنی فەرهەنگی- ئەدەبیی مەریوان بە هاوكاریی ئەنجومەنی ئاسەوار و ناودارانی فەرهەنگیی ئێران و شۆرای فەرهەنگی گشتیی شاری مەریوان، كۆتایی مانگی بانەمەڕ كۆڕیادی مامۆستا" ئەبووبەكر موسەنف چۆڕی" بەڕێوە دەچێت.
سێ هاووڵاتیی خەڵكی مەریوان كە رێكەوتی 25ی خەزەڵوەری 1390 دەستبەسەر كرابوون، بە بێ سەلماندنی هیچ تاوانێك لە زیندان ئازاد كران.
بەردی بناغەی پێترۆشیمیی شاری مەهاباد ساڵی لە 1383دانراوە و لەو كاتەوە هەتا ئێستا ئەو پڕۆژەیە كەوتۆتە ناو بازنەیەكی تەمومژاویی بەڵێنیی بەرپرسانی حكوومەتییەوە.
ئاژانسی هەواڵدەریی کوردپا
