شەوی 18 لەسەر 19ی جۆزەردان لە ئەنجامی دەستڕێژی هێزە ئینینتزامییەكانی حكوومەتی ئیسلامیی ئێران جێگیر لە سنووری سەرشێو و هەرێمی كوردستان كاسبكارێكی هەرێمی كوردستان كوژرا و 3 كەسی دیكەش بریندار بوون.
نزیك بە 350 چالاكی مەدەنی، سیاسی و چاپەمەنیی لە نامەیەكدا بۆ كۆمیسیاریای باڵای مافی مرۆڤی رێكخراوی نەتەوە یەكگرتووەكان، بە ئاماژە بە مانگرتنی محەممەد سدیق كەبوودوەند، داوایان كردووە هەوڵ بۆ چارەسەریی نەخۆشیی ئەو چالاكە كورد و دیداری منداڵە…
هاووڵاتییەكی كوردی خەڵكی سەردەشت لەلایەن لقی یەكەمی دادگای ئینقلابی شاری سەردەشتەوە بە 5 ساڵ زیندانی تەعزیری و دوورخرانەوە بۆ زیندانی كرمان مەحكووم كرا.
وەزارەتی دەرەوەی ئەمریكا لە تازەترین راپۆرتی خۆیدا لەمەڕ رەوشی مافی مرۆڤ لە ئێران، وێنایەكی تاریكی خستۆتە روو و بڵاوی كردۆتەوە ساڵی 1390 زیاتر لە 900 كەس بەهۆی بیروباوەڕی جیاجیاوە زیندانی كراون.
١٨ خوێندکار لەو ٣٤ خوێندكارەی هەرێمی كوردستان كە لە زانستگای كوردستان لە شاری سنە دەخوێنن، دوای دەستبەسەر كردنیان لەلایەن ناوەندە ئەمنییەتییەكانی حكوومەتی ئێرانەوە لە سنە، لە سنووری باشماخەوە سنورداش كرانەوە.
دوای خۆكوژیی سەربازێكی كورد لە پادگانی نیزامیی شارۆچكەی ساحیب لە سەقز، پاش چەند رۆژ كێشمەكێش لە نێوان سپا و بنەماڵەكەی، بە دانی 3 میلیۆن تمەن ئەوكات تەرمەكەیان رادەستی بنەماڵەكەی كردەوە.
جەلال مەلەكشا، شاعێر و نووسەری كورد كە كۆمەڵێك بەرهەمی فارسی و كوردیی ئامادەی چاپن، لەلایەن ئیدارەی فەرهەنگ و ئیرشادی ئیسلامیی پارێزگای كوردستانەوە مۆڵەتی چاپی بەرهەمەكانی نادرێت.
پێنج ئەندامی شۆرای شاری روانسەر لەلایەن لقی 101 دادگای جەزایی ئەو شارەوە بە تاوانی دەستبەسەردا گرتنی زەوین، هەركام بە 2 ساڵ زیندان، 74 زەربە شەلاق و 15 میلیۆن تمەن غەرامە مەحكووم كران.
ماڵپەڕی كرماشان پۆست بڵاوی كردەوە، لانیكەم 20 گوندی بەخشی گەهوارەی سەر بە شاری داڵاهۆ لە پارێزگای كرماشان لە ئاوی خاوێنی خواردنەوە بێبەرین.
حەسەن ئەمینی، مامۆستای ئایینی و لێپرسراوی شۆرای بەڕێوەبەریی مەكتەب قورئانی كوردستان، بەهۆی رەخنەگرتن لە كاروباری بەڕێوەبەری و رادەربڕین، بانگهێشتی ئیدارەی ئیتلاعاتی پارێزگای كوردستان و دادگای رۆحانییەت لە هەمەدان كرا.
ئاژانسی هەواڵدەریی کوردپا
