رۆژی یەکشەممە رێکەوتی ١٩ی خەزەڵوەر ئەندامانی کۆمیتەی ئامادەکاری کۆنگرەی نەتەوەیی کورد کۆبوونەوە و دواتر لە راگەیەندراوێکدا بەهۆی دواکەوتنی بەڕێوەچوونی کۆنگرەی نەتەوەیی کورد داوای لێبوردنیان لە سەرجەم خەڵکی کوردستان و حیزب و لایەنە…
لە درێژەی رەوتی گوشار بۆ سەر چالاکانی فەرهەنگی و سیاسیی کورد شارە کوردنشینەکانی ئێران، لە رۆژانی رابردوودا کۆمەڵێک لە چالاکانی فەرهەنگی و بنەماڵەی چالاکیی سیاسی بانگهێشتی ئیدارەی ئیتلاعات کراون.
٨ کرێکاری کوردی خەڵکی یەکێک لە گوندەکانی ناوچەی "هەورامانی تەخت"ی سەربە شاری سەوڵاوا کە لە بەنداوی "دارایان" سەرقاڵی کار کردن بوون، بۆ هۆی نالەباریی رێگەوبان، تووشی رووداوی هاتووچۆ بوون و گیانیان لەدەست دا.
کەژال هوژەبری هاوسەری یەکێک لە چالاکانی سیاسیی نیشتەجێی دەرەوەی وڵات، پاش ٤ رۆژ راگیران لە ئیدارەی ئیتلاعاتی مەریوان، بۆ ئیدارەی ئیتلاعاتی شاری سنە گوازرایەوە.
بەرپرسانی شیرکەتێکی پەیمانکاری بۆ لێدانی تونێلی گۆڕەپانی "نەبووەت"ی شاری سنە، ماوەی ٧ مانگە لە دانی مووچەی کرێکارانی ئەو شیرکەتە خۆ دەبوێرن.
پاش ئەوەی زیندانییەکی کورد لە زیندانی ناوەندیی ورمێ، حوکمی لەسێدارەدانی پێ راگەیاندرا، تووشی سەکتەی دڵ بووە رەوانەی نەخۆشخانە کراوە.
چالاکێکی مافی مرۆڤی کوردی خەڵکی شاری سەقز، پاش چوار ساڵ راگیران لە زیندانی ناوەندیی ئەو شارە، لە زیندان ئازاد کرا.
دەزگای قەزایی حکوومەتی ئیسلامیی ئێران ٢ رۆژنامە نووسی کوردی سەرجەم بە ٩ ساڵ و ٦ مانگ زیندانیی تەعزیری مەحکووم کرد.
بازاڕیان و دووکاندارانی شاری نەوسوود بۆ وەڵامدانەوە بە بانگەوازی لاوان و چالاکانی مافی مرۆڤی ئەو شارە، دوکان و بازاڕیان داخست.
حەفتەی سێهەمی مانگی خەزەڵوەری ١٣٩٢ی هەتاوی
ئاژانسی هەواڵدەریی کوردپا
