بە مەبەستی پشتیوانی کردن لە بوومەلەرزەلێدراوانی پارێزگای کرماشان، کۆمەڵێک لە کاریکاتۆریست و هونەرمەندانی ئەو پارێزگایە، پێشانگای وێنە و پوستێر و کاریکاتۆری سەر شەقام ، لەو شارە بەڕێوە دەبەن.
چالاکێکی فەرهەنگی کورد خەڵکی شاری جوانڕۆ بە هۆکارێکی نادیار کۆتایی بە ژیانی خۆی هێنا.
دەزگای قەزایی حکوومەتی ئیسلامیی ئێران، سێ هاووڵاتیی کوردی خەڵکی شاری شنۆیان بە کۆ، بە ١٥ ساڵ زیندان و دووخراونەوە بۆ گرتووخانەی شاری کرمان مەحکووم کرد.
بە هۆی کێشە و گرفت لە بەردەم ئەندامان و بەڕێوەبەرانی "خانە مطبوعات" کوردستان لە شاری سنە، سێ کەس لە ئەندامانی ئەو ناوەندە دەست لە کار کشانەوەی خۆیان ڕاگەیاند.
لە درێژەی خۆکوژییەکان لە نێو هاووڵاتییانی کورد، کچێکی لاو خەڵکی شاری بانە، بە هۆی کێشەی بنەماڵەیی خۆی کوشت.
دوو کاسبکاری لاو لە گوندی "بێتووش"، بە تەقەی ڕاستەوخۆی هێزە ئینتزامییەکانی پاسگای بێتووش کوژران.
حوکمی شەش مانگ تەعزیری کچە چالاکێکی کوردی خەڵکی شاری سەردەشت بە پارە نەختی بۆ ئازاد بوون گۆڕدرا.
لە درێژەی گوشاری هێزە ئیتلاعاتییەکان لە شار و ناوچەکانی کوردستانی ڕۆژهەڵات، هێزە ئیتلاعاتییەکان لە شاری ورمێ، چوونە سەر ماڵی خەزووری یەکێک لە چالاکانی سیاسی و داوای ناونیشان و ڕێ و شوێنی ئەو چالاکە سیاسییەیان کردووە.
هێزە ئیتلاعاتییەکانی سەر بە حیفازەت ئیتلاعات، هێرشیان کردە سەر یەکێک لە گوندەکانی شاری بۆکان و هەوڵی پشکنین و دەسبەسەر کردنی هاووڵاتییەکی دانیشتووی ئەو گوندەیان دا.
کرێکارێکی کورد، خەڵکی یەکێک لە گوندەکانی شاری شنۆ، کە بە هۆی نەخۆشی "چڵک هاوردووی بەیزە" لە نەخۆشخانەی ئەو شارە بۆ چارەسەریی پزیشکی خەوێندرابوو، لە لایەن هێزە ئینتزامییەکانی حکوومەتییەوە لەگەڵ ژنەکەی تووشی تێهەڵدان دەبن.
ئاژانسی هەواڵدەریی کوردپا
