ڕۆژی دووشەممە ١ی ڕەشەمە، مامۆستا ئیبراهیم سەلیمی، پێشنوێژی مزگەوتی "چوار یاری نەبی"ی شاری پیرانشار، بە دانانی بارمتەی ٥٠٠ میلیۆن تمەنی، هەتا کاتی دادگاییەکەی بە شێوەی کاتی لە زیندانی ورمێ، ئازاد کرا.
ڕۆژی دووشەممە ١ی ڕەشەمە، محەممەد محەممەدی (شێخاڵی)، هاووڵاتیی خەڵکی گوندی "شیناوێ"ی پیرانشار، بە دانانی بارمتەی ٢ میلیارد تەمەنی هەتا کاتی دادگاییەکەی لە زیندانی نەغەدە، ئازاد کرا.
ڕۆژی دووشەممە ١ی ڕەشەمە، مامۆستا عەلی پوورمەند، پێشنوێژی مزگەوتی سەید عەبدوڵڵا کەماڵیی نەغەدە، بانگهێشتی ئیدارەی ئیتلاعاتی ئەو شارە کرا و لێپرسینەوەی لێ کرا.
ڕۆژی دووشەممە ١ی ڕەشەمە، ئازاد خانچەزەر، چالاکی کرێکاری و کۆمەڵایەتی بە دانانی بارمتە لە زیندانی مەریوان ئازاد کرا.
ئێوارەی ڕۆژی ٣٠ی ڕێبەندان، دوو کۆڵبەر بە ناوەکانی "شۆڕش" و "یادگار" خەڵکی مەریوان، بە تەقەی هێزە نیزامییەکانی حکوومەتی لە سنووری نەوسوود، بریندار کران.
ئێوارەی یەکشەممە ٣٠ی ڕێبەندان، کۆڵبەرێکی کورد بە ناوی "سامان یەعقووبی" کوڕی سالار خەڵکی گوندی "سەرخەبان" سەر بە شاری جوانڕۆ، بەهۆی ڕووداوی هاتوچۆ لە جاددەی "شوانکارە" گیانی لەدەست دا.
ڕۆژی شەممە ٢٩ی ڕێبەندان، تەقەکردنی نایاسایی مەئموورانی هێزە ئینتزامییەکان لە شاری سەقز، بووە هۆی کوژرانی هاووڵاتییەک بە ناوی "موختار فەتحی" کوڕی عەبدوڵڵا.
ڕۆژی چوارشەممە ٢٦ی ڕێبەندان، ژنێکی لاو بە ناوی "مەعریفەت کەریمی" خەڵکی ورمێ، بەهۆی "کێشەی بنەماڵەیی" لەلایەن مێردەکەیەوە کوژرا.
ڕۆژی سێشەممە ٢٥ی ڕێبەندان، هاووڵاتییەک بە ناوی "حوسێن باپیروەند" تەمەن ٣٧ ساڵ، خەڵکی شاری دێهلۆڕان، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
ڕۆژی سێشەممە ٢٥ی ڕێبەندان، مێهدی تەوەکولی، وێنەگری خەڵکی شاری سنە، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
ئاژانسی هەواڵدەریی کوردپا
