سەرلەبەیانیی ڕۆژی شەممە ١٦ی بانەمەڕ، حوکمی لەسێدارەدرانی دوو زیندانی بە ناوەکانی "سەلاحەدین مەجیدی" و "عەبدوڵڵا خان محەممەدی" خەڵکی گوندی "هەفتەوان" سەر بە سەڵماس لە زیندانی ئەم شارە جێبەجێ کرا.
سەرلەبەیانیی ڕۆژی هەینی ١٥ی بانەمەڕ، حوکمی لەسێدارەدرانی زیندانییەک بە ناوی "فەرامەرز شەخسی" خەڵکی سەردەشت لە زیندانی ناوەندیی ورمێ جێبەجێ کرا.
ڕۆژی پێنجشەممە ١٤ی بانەمەڕ، حوکمی لەسێدارەدانی زیندانییەک بە ناوی "جەلالەدین ڕەحیمیان ئازەر" خەڵکی مەهاباد لە زیندانی ناوەندیی ڕەشت (لاکان) جێبەجێ کرا.
ڕۆژی پێنجشەممە ١٤ی بانەمەڕ، فەرهەنگ عیووزی، چالاکی مەدەنیی کوردی خەڵکی گوندی "تەنگیسەر" سەر بە شاری سنە بە دانانی بارمتەی ٢٠٠ میلیۆن تمەنی لە زیندانی ئەم شارە نێردرایە مەرەخەسی.
ڕۆژی چوارشەممە ١٣ی بانەمەڕ، نەعیم محەممەدپوور، هاووڵاتیی خەڵكی سنە بانگهێشتی ئیدارەی ئیتلاعاتی ئەم شارە کرا و لێپرسینەوەی لێ کرا.
موسلێم سەعیدپوور، چالاکی مەدەنیی خەڵكی گوندی "تەنگیسەر" و دانیشتووی شاری سنە لەلایەن لقی یەکی دادگای ئینقلابی ئەم شارەوە بە سەرۆکایەتیی دادوەر "سەعیدی" بە تۆمەتی "پڕوپاگەندە دژی نیزام" بە ساڵێک زیندانی تەعلیقی مەحکووم کرا.
کۆتاییەکانی مانگی خەرمانانی ساڵی ١٤٠١، سەرەتای دسپێکی ناڕەزایەتیی هاووڵاتییان بە قەتڵی حکوومەتیی ژینا-مەهسا ئەمینی، لە کوردستان و ئێران بوو؛ لەم ناڕەزایەتییانەدا زیاتر لە ٥٠٠ کەس کوژران و ژمارەیەکی بەرچاویش بە چەکی جۆراجۆر و بە تەقەی هێزە…
مامۆستا ئارمان سادقی، پێشنوێژی گوندی "حوسەینی" سەر بە دێولان و بەرپرس و مامۆستای قوتابخانەی ئایینیی "محەممەد ڕەسولەڵڵا"ی دێولان لەلایەن دادگای تایبەتی ڕۆحانییەتی هەمەدانەوە بە ٧ مانگ و نیو زیندان، لێدانی ٧٤ قامچی و وەرگرتنەوەی جلی ئایینی…
سێ هاووڵاتیی کورد بە ناوەکانی "جەماڵ عەلیزادە"، "حاسڵ قەدوو" و "عەبدولڕەحمان محەممەدی ئەرشەد" خەڵکی پیرانشار لەلایەن لقی ٢ی دادگای ئینقلابی مەهاباد بە سەرۆکایەتیی دادوەر "ئوجاقلوو" بە زیندان مەحکووم کران.
ڕۆژی سێشەممە ١٢ی بانەمەڕ، کەیوان زەندکەریمی، هاووڵاتیی خەڵکی سنە پاش ١٢٥ ڕۆژ دەسبەسەرکرانی کاتی بە دانانی بارمتەی ٣ میلیارد تمەنی بە شێوەی کاتی و تا کۆتاییهاتنی قۆناغەکانی دادڕەسی لە زیندانی سنە ئازاد کرا.
ئاژانسی هەواڵدەریی کوردپا
