ڕۆژی چوارشەممە، ١٠ی خەزەڵوەر، ئێحسان محەممەدی، مێرمنداڵی تەمەن ١٦ ساڵی خەڵکی شنۆ و لە دەسبەسەرکراوانی بزووتنەوەی ژن، ژیان، ئازادی، بە دانانی بارمتەی یەک میلیارد تمەنی و بە شێوەی کاتی ئازاد کرا.
ڕۆژی چوارشەممە، ١٠ی خەزەڵوەر، شاهۆ بەرهەم، تەمەن ٢٠ ساڵ و کوڕێ عیسا، خەڵکی شنۆ، لە دەسبەسەرکراوانی بزووتنەوەی ژن، ژیان، ئازادی، پاش زیاتر لە یەک ساڵ دەسبەسەرکرانی کاتی، بە دانانی بارمتەی یەک میلیارد تمەنی و بە شێوەی کاتی لە زیندانی ورمێ…
سەرلەبەیانیی ڕۆژی پێنجشەممە، ١١ی خەزەڵوەر، هاووڵاتییەکی کورد بە ناوی "شادمان محەممەدی"، خەڵکی سەلاسی باوەجانی سەر بە پارێزگای کرماشان، لەلایەن هێزە ئەمنییەتییەکانەوە دەسبەسەر کرا و بۆ شوینێکی نادیار ڕاگوێزرا.
سەرلەبەیانیی ڕۆژی پێنجشەممە، ١١ی خەزەڵوەر، هاووڵاتییەکی کورد بە ناوی "زانیار مەحموودی"، تەمەن ٢٤ ساڵ و کوڕی ئەکبەر، خەڵکی جوانڕۆ، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
ڕۆژی پێنجشەممە، ١١ی خەزەڵوەر، ٨ کۆڵبەری خەڵکی جوانڕۆ بە تەقەی هێزە نیزامییەکانی حکوومەت لە سنووری نەوسوود بریندار بوو.
ڕۆژی دووشەممە، ٨ی خەزەڵوەر، کۆڵبەرێکی کورد بە ناوی "لوقمان ئەحمەدپوور"، تەمەن ٤٥ ساڵ و خەڵکی گوندی "مەنجیلان"، سەر بە شاری بانە، بە تەقەی هێزە نیزامییەکانی حکوومەت لە سنووری "هەنگەژاڵ"، بەتوندی بریندار بوو.
ڕۆژی دووشەممە، ٨ی خەزەڵوەر، میلاد مروەتی، هاوڕێ تەورە، ئالان حەمەجانی و پووریا نەسیری، چوار هاووڵاتیی خەڵکی مەهاباد، لەلایەن هێزە ئەمنییەتییەکانەوە دەسبەسەر کران.
حوکمی ٧ ساڵ و ٦ مانگ زیندانی تەعزیریی سەکینە پەروانە، زیندانیی سیاسیی بەندکراو لە زیندانی وەکیل ئابادی مەشهەد، لەلایەن لقی ٣٥ی دادگای پێداچوونەوەی پارێزگای خوراسانی ڕەزەوییەوە، پشتڕاست کرایەوە.
شەوی دووشەممە، ٨ی خەزەڵوەر، کۆڵبەرێک بە ناوی "عرفان مورادی"، خەڵکی جوانڕۆ، بە تەقەی هێزە نیزامییەکانی حکوومەت لە سنووری نەوسوود، بەتوندی بریندار کرا.
ڕۆژی سێشەممە، ٩ی خەزەڵوەر، هاووڵاتییەک بە ناوی "موحسن (مستەفا) قادری"، تەمەن ٣٠ ساڵ و کوڕی تاهیر، خەڵکی گوندی "گەزگەسک"، سەر بە شاری پیرانشار، بە مەبەستی جێبەجێکرانی حوکمەکەی، ڕەوانەی زیندانی نەغەدە کرا.
ئاژانسی هەواڵدەریی کوردپا
