ڕێكخراوی مافی مرۆیی کوردپا، بەبۆنەی ڕۆژی جیهانیی مافی مرۆڤ، لە ڕاپۆرتێکی ئاماری_شیکاریدا، پەرژاوەتە سەر حاڵەتەکانی پێشێلکاری مافی مرۆڤ لە کوردستانی ئێران، لە سەرەتای ساڵی ٢٠٢٠ هەتا ڕێکەوتی ١٠ی دێسامبر، باس دەکات.
ڕۆژی چوارشەممە ١٩ی سەرماوەز، هاووڵاتییەکی کورد بە ناوی "زاهیر پەس و پیش (جۆڵا) "، کوڕی موراد خەڵکی گوندی "چیانە"ی شاری پیرانشار، بە دانانی بارمتەی ٢٠٠ میلیۆن تەمەنی بە شێوەی کاتی، لە گرتنگە ئازاد کرا.
ڕۆژی چوارشەممە ١٩ی سەرماوەز، ئانیسا جەعفەریمێهر چالاکی فەرهەنگی کورد خەڵکی شاری شاباد سەر بە پارێزگای کرماشان، بە دانانی بارمتەی ٣٥٠ میلیۆن تمەنی بە شێوەی کاتی ئازاد کرا.
١٤ زیندانیی سیاسی و مەزهەبی لە نامەیەکی هاوبەشدا، بۆ دادوەری چاوەدێری زیندانی ناوەندیی ورمێ، بە شێوەی فەرمی مانگرتنی وشکی خۆیان لە خواردن ڕاگەیاند.
ڕۆژی چوارشەممە ١٩ی سەرماوەز، ١٤ زیندانیی سیاسی و مەزهەبی لە زیندانی ورمێ، بە نیشانەی ناڕەزایەتی دەربڕین لە هەمبەر جێبەجێنەکردنی گەڵالەی دوو فەورییەتی کەمکردنەوەی سزای زیندان و ئاسانکارییەکان دەستیان داوەتە مانگرتنی وشک.
ڕۆژی چوارشەممە ١٩ی سەرماوەز، "دانیاڵ دیوانیئازەر" یەکێک لە تۆمەتبارانی دۆسیەی "کوشتنی" سادق بەرمەکی، لە زیندانی میاندووئاو، ئێعدام کرا.
ئێوارەی ڕۆژی سێشەممە ڕێکەوتی ١٨ی سەرماوەز، کۆڵبەرێکی کورد بە ناوی "ئەمیر ئیلاهی"، خەڵکی شاری سەلاسباوەجانی، بە تەقەی هێزە نیزامییەکانی حکوومەتی پێکرا.
ڕۆژی دووشەممە ١٧ی سەرماوەز، هاووڵاتییەکی کورد بە ناوی "سابیر یووسفی" تەمەن ٢٦ ساڵ خەڵکی ورمێ، پاش تەواوبوونی ماوەی لێپرسینەوەکەی، لە گرتنگەی ئیدارەی ئیتلاعاتی ئەو شارە، بۆ زیندانی ناوەندیی ورمێ، ڕاگوێزرا.
سەر لە بەیانی ڕۆژی سێشەممە ١٨ی سەرماوەز، وەفا عەبدوڵڵازادە" خەڵکی شاری سەردەشت، لەدایکبووی ساڵی ١٣٦٠هەتاوی و دایکی دوو کوڕ، بە بیانووی پاراستنی نامووس، لەلایەن براکانییەوە کوژرا.
ئاژانسی کوردپا لەمەڕ چۆنییەتی کوژرانی "فەرزاد سەعدووزادە" کۆڵبەری کورد لە سنووری سەڵماس، بە تەقەی هێزە نیزامییەکان چەند زانیارییەکی ورد دەخاتە ڕوو.
ئاژانسی هەواڵدەریی کوردپا
