لە ماوەی ڕۆژانی ڕابردوودا هاووڵاتییەکی کورد بە ناوی "ڕۆستەم ئیبراهیمی" کوڕی "عەلی"، تەمەن ٤٠ ساڵ و خەڵکی گوندی "تەختی زەنگیـ"ـی کامیاران، لەلایەن لقی ١ی دادگای ئینقلابی سنەوە بە ١٠ مانگ زیندانیی تەعزیری مەحکووم کراوە.
ڕۆژی دووشەممە ٢٤ی سەرماوەز، دوو هاووڵاتیی کورد بە ناوەکانی "کەماڵ قۆیتاسی" خەڵکی گوندی "چەشمەگۆل" و "ڕەحمان یووسفی" خەڵکی گوندی "سەوجە"ی شاری شنۆ، لەلایەن هێزە ئەمنییەتییەکانی ئەو شارە، دەسبەسەر کران.
ڕۆژی دووشەممە ٢٤ی سەرماوەز، هاووڵاتییەکی کورد بە ناوی "خیرەت پەروازه" کوڕی "ڕەحمان"، تەمەن ٣٠ ساڵ و خەڵکی گوندی "نێـ"ـی مەریوان، بۆ تێپەڕاندنی ماوەی حوکمەکەی بۆ زیندانی ئەم شارە ڕاگوێزرا.
هاووڵاتییەکی کورد بە ناوی "عیرفان مۆرتەزایی" کوڕی "عیزەتوڵڵا"، تەمەن ٣٢ ساڵ و خەڵکی سەقز لەلایەن لقی ١ی دادگای ئینقلابی ئەو شارەوە بە سەرۆکایەتی قازی "جەواد مستەفایی" بە دوو ساڵ زیندانیی تەعزیری مەحکووم کرا.
"کامیل ئەحمەدی" لێکۆڵەری کورد، بە تۆمەتی "هاوکاری لەگەڵ دەوڵەتانی دژبەری ئێران" لەلایەن لقی ١٥ی دادگای ئینقلابی تاران، ٨ ساڵ زیندانیی تەعزیریی بەسەردا سەپێندرا.
زیندانییەک بە تاوانی "قەتڵ" بە ناوی "مەهدی مستەفازادە بردیانی" کوڕی "مەدەنی" خەڵکی گوندی "مەڕنە"ی ناوچەی سۆما و برادۆستی ورمێ، بۆ ڕزگاربوون لە ئێعدام، پێویستیی بە یارمەتیی ماڵیی هەیە.
لە ماوەی ڕۆژانی ڕابردوودا، هاووڵاتییەکی کورد بە ناوی "مێحراب بەختی" کوڕی "ئەیووب" و خەڵکی ئیلام، بۆ جێبەجێکردنی حوکمەکەی دەسبەسەر و ڕەوانەی زیندانی ناوەندیی ئەو شارە کرا.
ڕۆژی هەینی ٢١ی سەرماوەز، "باپیرە بەرزە" زیندانیی سیاسیی کوردی خەڵکی گوندی "چیانە"ی پیرانشار پاش تەواوبوونی ماوەی مەرەخەسییەکەی گەڕایەوە زیندانی نەغەدە.
ڕۆژی شەممە ١٥ی سەرماوەز، کۆڵبەرێکی کورد بە ناوی "عەباس ئیبراهیمی" تەمەن ٢٨ ساڵ، لە ئەنجامی تەقینەوەی مین لە سنووری هەورامان، بریندار و بەشێک لە لاقی چەپی لەدەست داوە.
ڕۆژی پێنجشەممە ٢٠ی سەرماوەز، "ئاران تیباش، حوسێن عوسمانی، دارا ڕەشیدی، ئیرەج سۆفی محەممەد دێشەمس، جەواد یووسفی، بێهزاد عەباسیی قەراگوز، موحسێن مەحاڵی، فاروق لواشلوویی، سالار سدیقیی هەمەدانی، ئیبراهیم خەلیل سدیقیی هەمەدانی، خوسرەو زەرستان،…
ئاژانسی هەواڵدەریی کوردپا
