ڕۆژی شەممە ١٨ی بەفرانبار، "زارا محەممەدی"، مامۆستای زمانی کوردی و ئەندامی ئەنجومەنی فەرهەنگی ــ کۆمەڵایەتیی "نۆژین" پاش بانگهێشتکردنی بۆ ئیجرای ئەحکامی دادگوستەریی سنە دەسبەسەر کرا و بۆ جێبەجێکردنی حوکمی زیندانەکەی بۆ کانوونی ئیسلاح و…
ڕۆژی هەینی ١٧ی بەفرانبار، سێ هاووڵاتیی کورد بە ناوەکانی "ئەیووب مووسا" خەڵکی شنۆ، "بایەزید خواڕەزم" و "هاوڕێ خواڕەزم" خەڵکی گوندی "خانلەر"ی شاری شنۆ، لەلایەن هێزە ئەمنییەتییەکانەوە دەسبەسەر و بۆ شوێنێکی نادیار ڕاگوێزراون.
ئەمڕۆ شەممە ١٨ی بەفرانبار، هاووڵاتییەک بە ناوی "حەیدەر قەسابی" خەڵکی شاری بانە، لەلایەن هێزە لیباس شەخسییەکانەوە دەسبەسەر و بۆ شوێنێکی نادیار ڕاگوێزرا.
لە ماوەی ڕۆژانی ڕابردوودا، دوو هاووڵاتیی کورد بە ناوەکانی "لوقمان مەولانی"، تەمەن ٤٠ ساڵ و "خەمان ئەحمەدی"، تەمەن ٣٨ ساڵ، خەڵکی گوندی "بەیتاس" و دانیشتووی مەهاباد، بە دانانی بارمتە لە زیندانی ئەو شارە ئازاد کران.
شەوی پێنجشەممە ١٦ی بەفرانبار، دوو کۆڵبەر بە ناوەکانی "فەرەیدوون"، خەڵکی گوندی "دێ باوکە" سەر بە ڕوانسەر و "سیرووس"، خەڵکی سەرپێڵ زەهاو سەر بە کرماشان، لە ئەنجامی تەقەی هێزە نیزامییەکانی حکوومەتی ئێران لە سنووری نەوسوود بریندار کران.
ڕۆژی پێنجشەممە ١٦ی بەفرانبار، بەهۆی تەقینەوەی مین لە ناوچەی "کەنجانچەم بان چەرمەگ" سەر بە شاری مێهران، چوار مێرمنداڵ بریندار بوون.
زیندانییەکی سیاسیی کورد بە ناوی "محەممەد مورادی"، خەڵکی گوندی "قەبری حوسێن" سەر بە پیرانشار و بەندکراو لە زیندانی نەغەدە تووشی نەخۆشیی "فتق" بووە و بەرپرسی زیندان لەگەڵ ڕاگواستنی ناوبراو بۆ دەرەوەی زیندان دژایەتیی کرد.
ڕۆژی دووشەممە ١٣ی بەفرانبار، هونەرمەندێکی کورد بە ناوی "خالید کەریمنیا" ناسراو بە "خالید نارین" خەڵکی شاری سەقز، لە زیندانی ئەو شارە ئازاد کرا.
ڕۆژی چوارشەممە ١٥ی بەفرانبار، موژگان کاووسی، نووسەر و لێکۆڵەری کورد لە زیندانی کەچوویی کەرەج ئازاد کرا.
سەرەڕای تێپەڕبوونی زیاتر لە ٢ مانگ لە کاتی دەسبەسەرکرانی هاووڵاتییەکی کورد بە ناوی "عەبدوڵڵا مەهجوور"، تەمەن ٥٥ ساڵ و خەڵکی گوندی "مەلقەڕەنی" سەر بە سەقز، لە چارەنووسی ناوبراو زانیارییەک لەبەر دەستدا نییە.
ئاژانسی هەواڵدەریی کوردپا
