ڕۆژی چوارشەممە، ١٩ی ڕەزبەری ١٤٠٢، ناسر سەرگەڕان، پارێزەری نابینا، مامۆستای زانکۆ و چالاکی مافی خاوەن پێداویستییە تایبەتەکان، لەلایەن هێزە ئەمنییەتییەکانەوە دەسبەسەر و بە مەبەستی لێپرسینەوە ڕەوانەی گرتنگەی ئیدارەی ئیتلاعاتی سنە کرا.
ڕۆژی سێشەممە، ٢٥ی ڕەزبەر، سەفا عائێلی، خاڵۆی ژینا_مەهسا ئەمینی بە دانانی بارمتە و بە شێوەی کاتی لە زیندانی سەقز ئازاد کرا.
ڕۆژی سێشەممە، ٢٥ی ڕەزبەر، ئەرسەلان دیوارگەر، هاووڵاتیی دانیشتووی سنە، بە دانانی بارمتەی ٥٠٠ میلیۆن تمەنی و بە شێوەی کاتی لە زیندانی ئەم شارە ئازاد کرا.
هاووڵاتییەکی کورد بە ناوی "میکائیل مینبەری"، خەڵکی گوندی "نییەر" و دانیشتووی شاری سنە، لەلایەن لقی یەکی دادگای ئینقلابی ئەم شارەوە بە ٦ ساڵ زیندانی تەعلیقی مەحکووم کرا.
ئەمیر کەریمی، کۆڵبەری خەڵکی گوندی "گۆشخانی"، سەر بە شاری سەوڵاوا کە بە تەقەی هێزە نیزامییەکانی حکوومەت بریندار ببوو، بەهۆی قووڵیی برینەکانییەوە ڕەوانەی نەخۆشخانەیەک لە تاران کراوە.
ڕۆژی یەکشەممە، ٢٣ی ڕەزبەری ١٤٠٢، قوتابییەکی تەمەن ١٦ ساڵ بە ناوی "ئامیار فەتحوڵڵاهی" کوڕی تۆفیق، خەڵکی شاری قوروە، پاش ئەوەی کە لەلایەن یەکێک لە کارمەندانی پەروەردەوە ڕادەستی ئیدارەی ئیتلاعاتی قوروە کراوە، لێی دراوە و هەڕەشەی مردنی لێ کراوە…
ڕۆژی شەممە، ٢٢ی ڕەزبەری ١٤٠٢، ئێقباڵ مەجیدی، هاووڵاتیی خەڵکی سنە. لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
کاتژمێر ٢ و ٢٠ خولەکی بەرەبەیانی ڕۆژی یەکشەممە، ٢٣ی ڕەزبەری ١٤٠٢، ژنێکی تەمەن ٢١ ساڵ بە ناوی "ترووسکە عەبدوڵڵازادە"، کچی کەریم (ناسراو بە حاجی)، خەڵکی گوندی "کاسەکەران"، سەر بە پیرانشار و دانیشتووی ئەم شارە، کە قوربانیی منداڵ_هاوسەری بووە،…
لە ماوەی ڕۆژانی ڕابردوودا، کۆڵبەرێک بە ناوی "بێهرووز مورادی"، خەڵکی سەلاسی باوەجانی بە تەقەی هێزە نیزامییەکانی حکوومەت لە سنووری پاوە بریندار بوو.
ڕۆژی یەکشەممە، ٢٣ی ڕەزبەر، کۆڵبەرێک بە ناوی "کەماڵ ئەشتەری"، خەڵکی بۆکان، بە تەقەی هێزە نیزامییەکانی حکوومەت لە سنووری "هەنگەژاڵ"ی بانە، بریندار بوو.
ئاژانسی هەواڵدەریی کوردپا
