ڕۆژی ٣٠ی بەفرانباری ١٤٠٢، ڤیدیۆیەک لە توندوتیژیی هێزە سنوورییەکان لەگەڵ ژمارەیەک لە کۆڵبەرانی خەڵكی جوانڕۆ و مەریوان لە سنووری "تەویڵە" بڵاو بووەوە کە ئەم هێزانە وێڕای توندوتیژی، سەری ئەم کۆڵبەرانەشیان تاشیبوو.
سێ هاووڵاتیی کورد بە ناوەکانی "مستەفا سامی"، "هەژار ئەحمەدی‌ئازەر" و "سیروان سێپێهری"، خەڵکی بۆکان لەلایەن هێزە ئەمنییەتییەکانەوە دەسبەسەر کران.
ڕۆژی یەکشەممە، یەکی ڕێبەندان، سینا دەشمیر، هاووڵاتیی خەڵکی گوندی "گەزگەسک"، سەر بە شاری پیرانشار، بە مەبەستی جێبەجێکرانی سزای بەندکران، ڕەوانەی بەندیخانەی نەغەدە کرا.
مامۆستا حوسێن عەلیمورادی، پێشنوێژی مزگەوتی "ئیبراهیم خەلیلوڵڵا"ی سنە و بەرپرسی قوتابخانەی زانستی دینی "ئیبراهیم خەلیلوڵڵا" بە مەبەستی جێبەجێكرانی سزاکەی، بانگی دادگای تایبەتی ڕۆحانییەتیی هەمەدان کرا.
شەوی شەممە، ٣٠ی بەفرانبار، کۆڵبەرێک بە ناوی "سدیق میرزایی" دانیشتووی جوانڕۆ، بە تەقەی هێزە نیزامییەکانی حکوومەت لە سنووری نەوسوود گیانی لەدەست دا.
سەرلەبەیانیی ڕۆژی هەینی، ٢٩ی بەفرانبار، هاووڵاتییەکی کورد بە ناوی "ئازاد بەندەری"، خەڵکی نەغەدە، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
سەرلەبەیانیی ڕۆژی سێشەممە، ٢٦ی بەفرانبار، لاوێکی کورد بە ناوی "حامد بێهراج"، تەمەن ٢٠ ساڵ و کوڕی جەلال، خەڵكی گوندی "سەرینچاوێ"ی سەر بە شاری پیرانشار، لەلایەن هێزە ئەمنییەتییەکانەوە دەسبەسەر کرا.
گوڵاڵە وەتەندووست، پارێزەر و چالاکی بواری ژنان و لە دەسبەسەرکراوانی بزووتنەوەی ژن، ژیان، ئازادی، خەڵکی مەریوان و دانیشتووی سنە، سزای ٦ ساڵ و ٧ مانگ بەندکرانی بەسەردا سەپا.
شەوی دووشەممە، ٢٥ی بەفرانبار، هاووڵاتییەک بە ناوی "ڕێباز محەممەدی موقەدەم"، خەڵکی پیرانشار، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
ڕۆژی سێشەممە، ٢٦ی بەفرانباری ١٤٠٢، کۆڵبەرێکی کورد بە ناوی "ئیدریس ئیسماعیلی"، تەمەن ٣٠ ساڵ و خەڵکی سەقز بە هۆی بەرکەوتنی فیشەک و لێدانی هێزە نیزامییەکان لە سنووری بانە، بەتوندی بریندار بوو.
ئاژانسی هەواڵدەریی کوردپا
