ڕۆژی سێشەممە، ١٥ی ڕەشەمە، فەرزاد مەحموودپوور، هاووڵاتیی خەڵكی شنۆ و لە دەسبەسەرکراوانی بزووتنەوەی ژن، ژیان، ئازادی بە مەبەستی جێبەجێکرانی سزاکەی ڕەوانەی بەندیخانەی نەغەدە کرا.
شەوی دووشەممە، ١٤ی ڕەشەمە، دوو کۆڵبەر بە تەقەی هێزە نیزامییەکانی حکوومەت لە سنووری "هەنگەژاڵ"ی بانە بریندار کران.
ڕۆژی سێشەممە، ١٥ی ڕەشەمە، کامران قاسمی، بەندکراوی سیاسیی کورد کە ماوەی سزاکەی لە بەندیخانەی ورمێ تێدەپەڕێنێت، بە نیشانەی ناڕەزایەتیدربڕین بە دژایەتیی بەرپرسانی بەندیخانە و ئیدارەی ئیتلاعات لەگەڵ مورەخەسی و ئازادیی مەرجدار، مانی لە خواردن…
ڕۆژی سێشەممە، ١٥ی ڕەشەمە، سامان یاسین (سەیدی)، هونەرمەندی کوردی خەڵکی شاری کرماشان و لە دەسبەسەرکراوانی بزووتنەوەی ژن، ژیان، ئازادی، لە بەندیخانەی قزلحساری کەرەجەوە بۆ نەخۆشخانەی دەروونیی ئەمین ئاباد (ڕازی)ی شاری ڕەی تاران ڕاگوێزرا.
ڕۆژی چوارشەممە، ١٦ی ڕەشەمە، سیاوەش حەیاتی، وتەبێژی کۆڕی ڕاوێژی چالاکانی مەدەنیی یارسان و دەبیری بەرەی یەکگرتووی کورد هاوکات لەگەڵ تەواوبوونی ماوەی سزاکەی، لە بەندیخانەی دێزڵاوای کرماشان ئازاد کرا.
سەرەڕای ئەوەیکە سزای بەندکرانی سوعدا خەدیرزادە، بەندکراوی سیاسیی کورد بە تۆمەتی "هاوکاری لە کوشتن"، لەلایەن دیوانی باڵای وڵاتەوە ڕەت کراوەتەوە، بەڵام بە فەرمانی ناوەندە ئەمنییەتییەکان، لە دادگای ئینقلابی میاندواودا دۆسییەیەکی نوێ بۆ تۆمەتی…
عەبدوڵڵا ڕەهنەوەرد، هاووڵاتیی خەڵکی گوندی "گێلی کەران"،سەر بە شاری مەریوان، سەرەڕای تێپەڕبوونی ٢٣ ڕۆژ لە کاتی دەسبەسەرکرانەکەی، هەروا دەسبەسەرە و چارەنووسی ناڕوونە.
ڕەشاد پەرویزی، ئەندامی ئەنجومەنی فەرهەنگی _ کۆمەڵایەتیی "نۆژین"، پاش دەسبەسەرکران بە مەبەستی لێپرسینەوە ڕەوانەی گرتنگەی ئیتلاعاتی سنە کراوە.
دوو حەفتە بەسەر دەسەسەرکرانی دانا لەنجاوایی، چالاکی مەدەنی و بەندکراوی سیاسیی پێشووی خەڵکی مەریواندا تێدەپەرێت بەڵام ناوبراو هێشتا دەسبەسەرە و چارەنووسیشی نادیارە. ناڕوونیی چارەنووسی دانا، نیگەرانیی بنەماڵەی ناوبراوی لێ کەوتووەتەوە.
ڕۆژی یەکشەممە، ١٣ی ڕەشەمە، نایب حاجی‌زادە، بەندکراوی سیاسیی کورد لە بەندیخانەی ناوەندیی ورمێ، نێردرایە مورەخەسی.
ئاژانسی هەواڵدەریی کوردپا
