سەرلەبەیانیی ڕۆژی پێنجشەممە ٦ی بەفرانباری ١٤٠٣، سزای لەسێدارەدانی دوو بەندکراوی کورد بە ناوەکانی "ئەسعەد ئەمینی" تەمەن ٢٧ ساڵ خەڵکی سەردەشت و "سامان فەخری" تەمەن ٣٣ ساڵ خەڵکی بانە، لە بەندیخانەی جیرۆفت لە پارێزگای کرمان جێبەجێ کرا.
سەرلەبەیانیی ڕۆژی چوارشەممە ٥ی بەفرانباری ١٤٠٣، سزای لەسێدارەدانی بەندکراوێک بە ناوی "مەسعوود جەلیلیان" خەڵکی کرماشان لە بەندیخانەی قزڵحساری کەرەج جێبەجێ کرا.
سەرلەبەیانیی ڕۆژی پێنجشەممە ٢٩ی سەرماوەزی ١٤٠٣، سزای لەسێدارەدانی بەندکراوێک بە ناوی "ڕامین کەبیری" خەڵکی شاری سایین قەڵا لە بەندیخانەی ناوەندیی میاندواو جێبەجێ کرا.
ڕۆژی سێشەممە ٤ی بەفرانباری ١٤٠٣، هاووڵاتییەکی کورد بە ناوی "کاوە ئوستوار" خەڵكی گوندی "عەباس ئاباد"ی بۆکان، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
سەرلەبەیانیی ڕۆژی سێشەممە ٤ی بەفرانبار، دوو هاووڵاتیی کورد بە ناوەکانی "هێمن بەهرامی" و "سۆران ئەرشەد" خەڵکی بۆکان، لەلایەن هێزە ئەمنییەتییەکانەوە دەسبەسەر کران و بۆ شوێنێکی نادیار ڕاگوێزران.
سەرلەبەیانیی ڕۆژی دووشەممە ٣ی بەفرانباری ١٤٠٣، سزای لەسێدارەدرانی بەندکراوێک بە ناوی "لوقمان شەنگە" خەڵکی نەغەدە لە بەندیخانەی ناوەندیی ورمێ جێبەجێ کرا.
ڕۆژی یەکشەممە ٢ی بەفرانباری ١٤٠٣، فەرهاد شێخی، چالاکی کرێکاریی خەڵکی سەقز دانیشتووی هەشتگردی کەرەج لەژێر چاوەدێری بە پێبەندی ئێلێکترۆنیکی لە بەندیخانەی ناوەندیی کەرەج ئازاد کرا.
سینا محەممەدی، ئەندامی ئەنجومەنی کۆمەڵایەتیی "ژیار" و خەڵکی شاری "بڵواناوا"ی دێولان لەلایەن لقی ١٠٢ی دادگای کەیفەری ٢ی دێولانەوە بە یەک مانگ بەندکرانی داسەپاو و سزای تەواوکەر سزا درا.
بە دەسبەسەرکرانی چیا نەسروڵڵاهی لە ڕۆژی یەکشەممە ٢٥ی سەرماوەزی ١٤٠٣١دا، ژمارەی دەسبەسەرکراوانی مەهاباد گەیشتە ١٥ کەس.
ڕۆژی چوارشەممە ٢٨ی سەرماوەزی ١٤٠٣، حاجی بەرزه، وانەبێژی زمانی کوردی لە ناوەندی فەرهەنگی و فێرکاریی "بەیان" و برای باپیر بەرزە، بەندکراوی سیاسیی کورد، بە مەبەستی تێپەڕاندنی ماوەی بەندکرانەکەی ڕەوانەی بەندیخانەی نەغەدە کرا.
ئاژانسی هەواڵدەریی کوردپا
