ئاژانسی هەواڵدەریی کوردپاهەواڵەکان
كوردپا، ئاژانسی هەواڵدەریی كوردستان، بە رەچاوكردنی تەواوی پرەنسیپ و بنەما ئەخلاقی و مرۆییەكان بە مەبەستی دۆزینەوە و شەفافسازی راستییەكان چالاكی دەكات
دوو کرێکاری کورد لە مەهاباد گیانیان لەدەست دا
بەهۆی ڕووخانی خانوویەک لە یەکێک لە گوندەکانی مەهاباد، دوو کرێکار گیانیان لەدەست دا و سێ هاووڵاتیی دیکەش بریندار بوون.
دوو دادوەری ئێرانی لەلایەن وەزارەتی خەزێنەداریی ئامریکاوە گەمارۆیان خرایە سەر
وەزارەتی خەزێنەداریی ئامریکا، دوو دادوەری ئێرانیی بە پێشێلکردنی ماف لە ئێران و هاووڵاتییانی دوو ڕەگەزنامەیی مەحکووم و خستیانیە لیستی گەمارۆکانەوە.
"عەلی ستوودە"، یەکێک لە دەسبەسەرکراوانی ناڕەزایەتییەکان بە ساڵێک زیندان مەحکووم کرا
هاووڵاتییەکی ناڕازیی دەسبەسەرکراو لە کۆبوونەوە ناڕەزایەتییەکانی مانگی خەزڵوەر لە شاری قوروە، بە ساڵێک زیندان مەحکووم کرا.
بەرپرسانی زیندانی سەقز پێش بە چارەسەریی پزیشکیی زیندانییەک دەگرن
بەرپرسانی زیندانی ناوەندیی سەقز، ڕێگە لە ڕەوانەکردنی زیندانییەک بۆ نەخۆشخانەی دەرەوەی زیندان دەگرن کە تووشی جەڵتە بووە.
ناوەندی فەرهەنگی- هونەریی "ڤەژینـ"ـی مەریوان، ئەمساڵ ڕێوڕەسمی یەلدا بەڕێوە نابات
ناوەندی فەرهەنگی- هونەریی "ڤەژینـ"ـی مەریوان، لە پەیامێکدا ڕایگەیاندووە، بەهۆی هاوخەمی لەگەڵ خەڵکی کوردستان و ڕێزگرتن لە خوێنه ڕژاوەکانی ئەم دواییەی شەقامەکانی کوردستان بەگشتی و مەریوان بەتایبەتی و هەروەها هاوخەمی لەگەڵ کۆڵبەرانی شەهیدی ڕێی…
داخرانی ناوەندی "بەردشکێنیی گورچیلە"ی سەقز و ئەگەری گواستنەوەی بۆ بۆکان
ناوەندی تایبەتی شکاندنی بەردی گورچیلەی سەقز ماوەی مانگێکە داخراوە و دەنگۆی گواستنەوەی بۆ بۆکان هەیە.
دەسبەسەرکردنی چالاکانی فەرهەنگی لە کرماشان درێژەی هەیە
دوو چالاکی فەرهەنگیی دیکەی خەڵکی کرماشان، لەلایەن هێزە ئیتلاعاتییەکانەوە دەسبەسەر کران.
هەوڵەکانی هاووڵاتییانی مەریوانی بۆ گەڕان بە دوای کۆڵبەرە ونبووەکەدا هەتا ئێستا بێئاکام بووە
ماوەی سێ ڕۆژە هاووڵاتییانی خەڵکی مەریوان و گوندەکانی مەریوان و هەورامان، لە ملەی تەتە، بە دوای کۆڵبەرێکی ونبووی خەڵکی گوندی "نێـ"ـی مەریوانن و هەتا ئێستا هەوڵەکانیان بێئاکام ماوەتەوە.
سەربازێک لە زیندانی ورمێ ئێعدام کرا
حوکمی لەسێدارەدانی سەربازێک کە بە تۆمەتی "کوشتنی سەرباز"ێکی دیکە لە زیندانی ورمێدا بوو، جێبەجێ کرا.