كوردپا، ئاژانسی هەواڵدەریی كوردستان، بە رەچاوكردنی تەواوی پرەنسیپ و بنەما ئەخلاقی و مرۆییەكان بە مەبەستی دۆزینەوە و شەفافسازی راستییەكان چالاكی دەكات
شاکر بێهرووزی، زیندانیی سیاسیی کوردی مەحکووم بە ئێعدام لە زیندانی ورمێ کە لە ڕۆژی یەکشەممە ٣٠ی خەزەڵوەرەوە لە ناڕەزایەتی دەربڕین لەهەمبەر گوشارهێنانی ڕێکخراوی ئیتلاعاتی سپای پاسداران بۆ سەر سکاڵاکەرانی دۆسیەی ناوبراو بە مەبەستی نەدانی…
ڕۆژی دووشەممە ١ی سەرماوەز، پەنابەرێکی کورد بە ناوی "بەختیار مووسازادە"، تەمەن ٢٥ ساڵ، کوڕی ئەنوەر و خەڵکی شاری سەلاسی باوەجانی لە وڵاتی بلاڕووس بەهۆی سەرمابردووییەوە گیانی لەدەست دا.
ڕۆژی سێشەممە ٢ی سەرماوەز، کۆڕی پەردەلادن لەسەر کتێبی ڕشتەی کوردەواری (مەلای مەزبوورە)، بە ئامادەبوونی ژمارەیەک لە شاعیران و نووسەران و خوێنەرانی ئەو کتێبە، لە هۆڵی ڕۆشنبیریی مەریوان، بەرێوە چوو.
ڕۆژی سێشەممە ١ی سەرماوەز، سێ هاووڵاتیی کوردی خەڵکی یەکێک لە گوندەکانی مەهاباد کە ئەندامی بنەماڵەیەک بوون، بەهۆی کێشەی ماڵییەوە هانایان بۆ خۆکوژی برد.
سەرلەبەیانیی ڕۆژی دووشەممە ١ی سەرماوەز، کۆڵبەرێکی کورد بە ناوی "سەعدی ڕەحیمی" خەڵکی گوندی "جانەوەرە" سەر بە مەریوان، لە ئەنجامی تەقەی هێزە نیزامییەکانی حکوومەتی ئێران، لە سنووری نەوسوود بریندار بوو.
لە ماوەی کەمتر لە ٢٠ ڕۆژی ڕابردوو، سێ ژن لەلایەن مێرد و خوازبێنەکانیانەوە کوژران و لە نوێترین حاڵەتدا پیاوێکی خەڵکی شاری کرماشان بە هۆکاری نادیار ژنەکەی خۆی کوشت و دواتر کۆتایی بە ژیانی خۆی هێنا.
شەوی یەکشەممە ٣٠ی خەزەڵوەر، کۆڵبەرێک بە ناوی "سەلاحەدین عەلی‌وەیسی"، خەڵکی شاری سەلاسی باوەجانی سەر بە کرماشان، لە ئەنجامی تەقەی هێزە نیزامییەکانی حکوومەت، لە بەرزاییەکانی سنووری نەوسوود بریندار بوو.
ڕۆژی یەکشەممە ٣٠ی خەزەڵوەر، دوو چالاکی ژینگەیی بە ناوەکانی "جەهانگیر ساغەرنیا"، تەمەن ٣٣ ساڵ و "خەبات خەتیاڵ" تەمەن ٤٠ ساڵ، خەڵکی پیرانشار، بە دانانی بارمتە لە زیندانی نەغەدە ئازاد کران.
ڕۆژی یەکشەممە ٣٠ی خەزەڵوەر، دوو هاووڵاتیی کورد بە ناوەکانی "محەممەد حاجی‌ڕەسووڵی" و "ئیدریس حاجی‌ڕەسووڵی"، خەڵکی بۆکان، پاش بانگهێشتکردنیان بۆ ئیتلاعاتی سپای پاسداران، لێپرسینەوەیان لەگەڵ کرا.
"هوشمەند عەلیپوور" زیندانیی سیاسیی کوردی خەڵکی سەردەشت، لە ڕۆژی سێشەممە ٢٥ی خەزەڵوەرەوە لە ناڕەزایەتی دەربڕین لەمەڕ دژایەتیکردن لەگەڵ داواکاریی مەرەخەسییەکەی و هەروەها دەستێوەردانی ئیدارەی ئیتلاعاتی سنە لە دۆسیەکەی، مانی گرتووە.
ئاژانسی هەواڵدەریی کوردپا
