كوردپا، ئاژانسی هەواڵدەریی كوردستان، بە رەچاوكردنی تەواوی پرەنسیپ و بنەما ئەخلاقی و مرۆییەكان بە مەبەستی دۆزینەوە و شەفافسازی راستییەكان چالاكی دەكات
هاووڵاتییەکی کورد بە ناوی "فاتمە کەریمی" کچی "یەدوڵڵا" خەڵکی شاری ئیلام، لەلایەن لقی یەکی دادگای ئینقلابی شاری سەقز بە سەرۆکایەتی دادوەر "جەواد مستەفایی" بە شێوەی "غیابی" بە ساڵێک زیندانی تەعزیری مەحکووم کرا.
بەرپرسانی زیندانی "قەرچەکـ"ـی وەرامین لەگەڵ زیندانییانی سیاسیی کورد لەو زیندانەدا بە شێوەیەکی نەشیاو هەڵسوکەوت دەکەن و زیندانییانی سیاسیی کورد بە "تێرۆریست" ناو لێ دەبەن.
ڕۆژی شەممە ١٥ی خەزەڵوەر، "ڕاشد مونتەزێری" زیندانیی سیاسیی کوردی خەڵکی کامیاران، بە شێوەی مەرجدار لە زیندانی ئەو شارە ئازاد کرا.
دادستان و پەیوەندییە گشتییەکانی زیندانی سنە، کوژرانی زیندانییەک بە ناوی "خەسرەو جەماڵیفەر" خەڵکی شاری سنە، لەلایەن مەئموورانی زیندانی ئەو شارەیان ڕەت کردەوە.
ئیدارەی ئیتلاعاتی بانە، بەرپرسانی کاناڵی تێلێگرامیی ئەو شارەی پاش بڵاوکردنەوەی هەواڵی کوژرانی "محەممەد خودایی کانیسێف"، کۆڵبەری خەڵکی گوندی "کانیسێف" لە ئەنجامی تەقەی هێزە نیزامییەکانی حکوومەتی، بانگهێشت و هەڕەشەیانی لێ کردووە.
لاوێکی کورد بە ناوی "سینا (کەریم) مینایی"، تەمەن ١٨ ساڵ، کوڕی مستەفا و خەڵکی گوندی "سەوجە"ی شنۆ، پاش دەسبەسەرکرانی بۆ لێپرسینەوە ڕەوانەی یەکێک لە گرتنگە ئەمنییەتییەکان لە ورمێ کراوە.
ڕۆژی پێنجشەممە ١٣ی خەزەڵوەر، هاووڵاتییەکی کورد بە ناوی "فەریدوون باشتەک"، تەمەن ٢٤ ساڵ، کوڕی یەحیا و خەڵکی گوندی "جەلیلە"ی شاری مەریوان، کۆتایی بە ژیانی خۆی هێنا.
ڕۆژی پێنجشەممە ١٣ی خەزەڵوەر، کۆڵبەرێکی کورد بە ناوی "محەممەد خودایی کانیسێف"، لە ئەنجامی تەقەی هێزە نیزامییەکانی حکوومەتی لە سنووری "سارداو"ی بانە، گیانی لەدەست دا.
ڕۆژی چوارشەممە ١٢ی خەزەڵوەر، حوکمی ئێعدامی هاووڵاتییەکی کورد بە ناوی "مەنووچێهر (شەهاب) کازمی وەرملە"، تەمەن ٣٣ ساڵ و کوڕی جەعفەر، لە زیندانی ڕەجاییشاری کەرەج، جێبەجێ کرا.
ڕۆژی سێشەممە ١١ی خەزەڵوەر، "فاتمە دادوەند"، هاووڵاتیی کوردی خەڵکی بۆکان کە لە ڕەوتی خۆپیشاندانەکانی خەزەڵوەری ٩٨ دەسبەسەر کرابوو و حوکمی زیندانی بەسەردا سەپابوو، بە شێوەی مەرجدار لە زیندانی ناوەندیی ورمێ ئازاد کرا.
ئاژانسی هەواڵدەریی کوردپا
