كوردپا، ئاژانسی هەواڵدەریی كوردستان، بە رەچاوكردنی تەواوی پرەنسیپ و بنەما ئەخلاقی و مرۆییەكان بە مەبەستی دۆزینەوە و شەفافسازی راستییەكان چالاكی دەكات
ئێوارەی ڕۆژی چوارشەممە ۲۰ی ڕەزبەر، دوو هاووڵاتیی ناڕازی به ناوەکانی "سینا نادری" و "ئارمین سەیادی"ٚ، لە ڕەوتی کۆبوونەوە ناڕەزایەتییە خەڵکییەکان لە گەڕەکی "دەرە درێژ"ی کرماشان، بەهۆی تەقەی هێزە ئەمنییەتییەکان، گیانیان لە دەست دا.
ئێوارەی ڕۆژی دووشەممە ١٨ی ڕەزبەر، کۆڵبەرێک بە ناوی "میکائیل تاڵانە" خەڵکی شاری پیرانشار، لە سنووری "کانی خودا"ی ئەو شارە، بەهۆی تەقەی ڕاستەوخۆی هێزە نیزامییەکانی حکوومەتی، گیانی لەدەست دا.
ڕۆژی دووشەممە ١٨ی ڕەزبەر، دوو هاووڵاتیی کورد بە ناوەکانی "ڕێبوار تالبی" کوڕی کەماڵ و "محەممەد شەریف‌پوور بایندەرە" کوری محەممەدئەمین خەڵکی شاری بانە، هەر کامەیان بە دانانی بارمتەی ٣٠٠ ملیۆن تمەنی لە زیندانی ئەو شارە، ئازاد کران.
ڕۆژی دووشەممە ١٨ی ڕەزبەر، دوکتور ڕامین نشەستە پزیشکی سەقزی، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
ئارین موریدی کوڕی حوسێن و ئامنە کە لە کۆبوونەوە ناڕەزایەتییەکانی شاری سەلاسی‌باوەجانی بە سەختی بریندار ببوو، ئەمڕۆ دووشەممە ١٨ی ڕەزبەر، بەهۆی قورسیی برینەکانییەوە گیانی لەدەست دا.
ڕۆژی یەکشەممە ١٧ی ڕەزبەر، کۆڵبەرێک بە ناوی "شارام واسڵی" کوڕی تەها خەڵکی شاری بانە، بەهۆی تەقەی هێزەکانی سپای پاسداران لە سنووری "هەنگەژاڵ"ی ئەو شارە، گیانی لەدەست دا.
ڕۆژی شەممە ۱٦ی ڕەزبەر، "محەممەد ئەمینی" کوڕی گوڵمحەممەد و "یەحیا ڕەحیمی" کوڕی ئەحمەد، لە ڕەوتی کۆبوونەوە ناڕەزایەتییەکانی سنە، بەهۆی تەقەی هێزە ئەمنییەتییەکان گیانیان لە دەست دا.
رۆژی هەینی ١٥ی ڕەزبەر، لاوێکی کورد بە ناوی "پەیمان مینبەری" تەمەن ٢٥ ساڵ کوڕی ئەیووب و ساحێبە خەڵکی گوندی "نییەر" و دانیشتووی شاری سنە، لە ڕەوتی کۆبوونەوە ناڕەزایەتییەکانی خەڵکی ئەو شارە، بەهۆی تەقەی هێزە ئەمنییەتییەکان گیانی لەدەست دا.
رۆژی شەممە ۱٦ی ڕەزبەر، دوو کرێکار به ناوەکانی "هێمن جام سەحەر و جەبار دژئاهەنگ" خەڵکی شاری مەریوان، بەهۆی گازگرتوویی گیانیان لەدەست دا و هاووڵاتییەکیش بەناوی "یوونس جام سەحەر"، ژاراوی بوو.
ڕۆژی شەممە ۱٦ی ڕەزبەر، لاوێکی سنەیی بە ناوی "داریووش عەلیزادە"، بە تەقەی هێزە ئەمنییەتییەکان، لە ڕەوتی ناڕەزایەتییە خەڵکییەکان لە سنە، کوژرا.
ئاژانسی هەواڵدەریی کوردپا
