كوردپا، ئاژانسی هەواڵدەریی كوردستان، بە رەچاوكردنی تەواوی پرەنسیپ و بنەما ئەخلاقی و مرۆییەكان بە مەبەستی دۆزینەوە و شەفافسازی راستییەكان چالاكی دەكات
ڕۆژی یەکشەممە، ٢٥ی پووشپەڕ، موحسن جەوادی‌فەر و شەفیع ئەزیر، دوو هاووڵاتیی خەڵکی "پەسوێ"ی پیرانشار، بە دانانی بارمتە و بە شێوەی کاتی، هەتا کۆتاییهاتنی قۆناغەکانی دادڕەسی، لە گرتنگەی ئیدارەی ئیتلاعاتی ورمێ ئازاد کران.
لە ڕۆژی یەکشەممە، ٢٥ی پووشپەڕەوە، وەحید چاوران، چالاکی مەدەنیی خەڵکی ئاودانان، پاش وەرگرتنی دانپێدانانی زۆرەملێ لە گرتنگەی ئیتلاعاتی سپا، لە زیندانی ئیلام، مانی لە خواردن گرتووە.
ڕۆژی دووشەممە، ٢٦ی پووشپەڕ، بەشیر نووری، هاووڵاتیی خەڵکی سنە، بە دانانی بارمتەی ٥٠٠ میلیۆن تمەنی و بە شێوەی کاتی لە گرتنگەی ئیدارەی ئیتلاعاتی ئەم شارە ئازاد کرا.
ڕۆژی شەممە، ٢٤ی پووشپەڕ، کۆڵبەرێکی کورد بە ناوی "محەممەدساڵح قەنبەری"، خەڵکی گوندی "سەفیاوا"ی جوانڕۆ، بە تەقەی هیزە نیزامییەکانی حکوومەت لە سنووری "تەتە"ی هەورامان، بەتوندی بریندار بوو.
بەپێی ڕاپۆرتی ڕێکخراوی مافی مرۆڤی ئێران، سەرلەبەیانیی ڕۆژی دووشەممە، ٢٦ی پووشپەڕ، حوکمی لەسێدارەدرانی دوو زیندانی بە ناوەکانی "موحسن یاقووتی" و "حەمزە فەڕۆخی"، لە زیندانی ناوەندیی هەمەدان، جێبەجێ کرا.
سەرلەبەیانیی ڕۆژی دووشەممە، ٢٦ی پووشپەڕ، حوکمی لەسێدارەدرانی زیندانییەک بە ناوی "سەنگەر خزری"، خەڵکی سەردەشت، لە زیندانی نەغەدە جێبەجێ کرا.
ڕۆژی یەکشەممە، ٢٥ی پووشپەڕ، جەماڵ ڕەسووڵ‌زادە، کوڕی محەممەد و خەڵکی گوندی "خورینج"، سەر بە شاری پیرانشار، بە دانانی بارمتە، لە زیندانی نەغەدە ئازاد کرا.
ڕۆژی یەکشەممە، ٢٥ی پووشپەڕ، سورەیا، عەبدولڕەحمان و سەدرەدین قەیتەران، سێ ئەندامی بنەماڵەیەکی خەڵکی پیرانشار، بە دانانی بارمتە و بە شێوەی کاتی، هەتا کۆتاییهاتنی قۆناغەکانی دادڕەسی ئازاد کران.
ڕۆژی یەکشەممە، ٢٥ی پووشپەڕ، دوو هاووڵاتیی کورد بە ناوەکانی "حەبیب خۆشنوود" و "خزر محەممەدپوور"، خەڵکی گوندی "کانی مەلا"، سەر بە پیرانشار، بە دانانی بارمتە لە زیندانی نەغەدە ئازاد کران.
ڕۆژی شەممە، ٢٤ی پووشپەڕ، سادق مەحموودنژاد، خۆپیشاندەری خەڵکی پیرانشار کە لە ڕەوتی خۆپیشاندانەکاندا چاوی بریندار ببوو، بە بارمتەی ٤ میلیارد تمەنی و بە شێوەی کاتی لە زیندانی نەغەدە ئازاد کرا.
ئاژانسی هەواڵدەریی کوردپا
