كوردپا، ئاژانسی هەواڵدەریی كوردستان، بە رەچاوكردنی تەواوی پرەنسیپ و بنەما ئەخلاقی و مرۆییەكان بە مەبەستی دۆزینەوە و شەفافسازی راستییەكان چالاكی دەكات
ڕۆژی چوارشەممە، ٣ی خەزەڵوەر، سەمیع ڕەسووڵی، هاووڵاتیی خەڵکی پیرانشار، پاش ٨ مانگ و ١٤ ڕۆژ دەسبەسەرکرانی کاتی بە دانانی بارمتەی سێ میلیارد تمەنی بە شێوەی کاتی لە زیندانی نەغەدە ئازاد کرا.
ئیدریس مینبەری، ئەندامی لێژنەی بەڕێوەبەریی ئەنجومەنی فەرهەنگی_کۆمەڵایەتیی "نۆژین"، لەلایەن لقی یەکی دادگای ئینقلابی سنەوە، بە ١٠ ساڵ زیندانی تەعزیری مەحکووم کرا.
سروە پوورمحەممەدی، ئەندامی ئەنجومەنی فەرهەنگی_کۆمەڵایەتیی "نۆژین"، لەلایەن لقی یەکی دادگای ئینقلابی سنەوە، بە ١٠ ساڵ زیندانی تەعزیری مەحکووم کرا.
ڕۆژی چوارشەممە، ٣ی خەزەڵوەر، حوسێن بۆرەکە، هاووڵاتیی خەڵکی گوندی "سۆغانلوو"، سەر بە شاری پیرانشار، لە زیندانی نەغەدەوە بۆ گرتگەی ئیدارەی ئیتلاعاتی ورمێ ڕاگوێزرا.
جەماڵ عەلیزادە، چالاکی مەدەنیی خەڵکی پیرانشار، کە خەریکی تێپەڕکردنی ماوەی حوکمەکەی لە زیندانی نەغەدەیە، بە هۆی دژایەتیی دادستانی پیرانشار، لە دەسپێڕاگەیشتن بە پارێزەر بێبەری کراوە.
دوو هاووڵاتیی کورد بە ناوەکانی "حوسێن بۆرەکە" کوڕی حەسەن و خەڵکی گوندی "سۆغانلوو" سەر بە شاری پیرانشار و "سۆران مەحموودی"، کوڕی خالید، خەڵکی پیرانشار، بۆ زیندانی نەغەدە ڕاگوێزران.
ڕۆژی شەممە، ٢٩ی ڕەزبەر، کچێکی لاو بە ناوی "سیما عەباسی"، تەمەن ١٩ ساڵ و خەڵکی بۆکان، پاش ١١ ڕۆژ مانەوە لە نەخۆشخانەیەکی تەورێز، بە هۆی قووڵبوونی برینەکانی لە دوای خۆسووتاندن، گیانی لەدەست دا.
یاسر نووری، چالاکی ژینگەپارێزیی خەڵکی جوانڕۆ لەلایەن لقی ٤ی دادگای ئینقلابی کرماشانەوە بە تۆمەتی "پڕوپاگەندە دژی نیزام"، بە ٤ مانگ زیندانی تەعزیری مەحکووم کرا.
ڕۆژی سێشەممە، ٢ی خەزەڵوەر، کۆڵبەرێکی کورد بە ناوی "موحسن عەبدوڵڵاهی"، کوڕی ناسر، خەڵکی گوندی "کانی بەرد"، سەر بە شاری بانە، بە تەقەی هێزە نیزامییەکانی حکوومەت لە دڵی، کوژرا.
سەرلەبەیانیی ڕۆژی سیشەممە، ٢ی خەزەڵوەر، حوکمی لەسێدارەدرانی زیندانییەک بە ناوی "ئەلف_م"، لە زیندانی خۆی، جێبەجێ کراوە.
ئاژانسی هەواڵدەریی کوردپا
