كوردپا، ئاژانسی هەواڵدەریی كوردستان، بە رەچاوكردنی تەواوی پرەنسیپ و بنەما ئەخلاقی و مرۆییەكان بە مەبەستی دۆزینەوە و شەفافسازی راستییەكان چالاكی دەكات
ڕۆژی شەممە، ١١ی سەرماوەز، فواد (سیرووس) فەتحی، چالاکی کرێکاریی خەڵکی سنە و دانیشتووی تاران، لەلایەن لقی ٢٦ی دادگای ئینقلابی تارانەوە بە سەرۆکایەتیی دادوەر "ئەفشاری"، بە ٤ ساڵ زیندانی تەعزیری و سزای تەکمیلی مەحکووم کرا.
ڕۆژی چوارشەممە، ٢٢ی سەرماوەز، کەیوان نەبی، زیندانیی سیاسیی خەڵکی پیرانشار لە زیندانی نەغەدەوە نێردرایە مورەخەسی.
ڕۆژی چوارشەممە، ٢٢ی سەرماوەز، مامۆستا زانا خۆشامەن، خەڵکی پەسوێ و دانیشتووی شیناوێی پیرانشار، بە مەبەستی جێبەجێکرانی حوکمەکەی ڕەوانەی زیندانی نەغەدە کرا.
سەرلەبەیانیی ڕۆژی سێشەممە، ٢١ی سەرماوەز، حوکمی لەسێدارەدرانی "ئەمین زاکری کاکاوەند"، زیندانیی خەڵکی هەرسین سەر بە پارێزگای کرماشان و "خەلیل حاجی ئابادی"، زیندانیی خەڵکی کەنگاوەر سەر بە پارێزگای کرماشان، لە زیندانیی ناوەندیی کەرەج جێبەجێ…
سەرلەبەیانیی ڕۆژی چوارشەممە، ٢٢ی سەرماوەز، حوکمی لەسێدارەدرانی زیندانییەک بە ناوی "داوود خادمی"، خەڵکی مەریوان، لە زیندانی ناوەندیی سنە جێبەجێ کرا.
سەرلەبەیانیی ڕۆژی چوارشەممە، ٢٢ی سەرماوەز، حەبیب ڕەزایی، کۆڵبەری تەمەن ٥٢ ساڵی خەڵکی گوندی "عەلی یەعقووب" و دانیشتووی جوانڕۆ، کە بە تەقەی هێزە نیزامییەکانی حکوومەت بریندار ببوو، بە هۆی توندیی برینەکانییەوە، گیانی لەدەست دا.
ڕۆژی سێشەممە، ٢١ی سەرماوەز، سێ هاووڵاتیی کورد بە ناوەکانی "کازم مام ئیسماعیل"، "حوسێن ئەحمەدی" و "یوونس مەحموودزادە"، خەڵکی بۆکان، بە مەبەستی جێبەجێکرانی حوکمی زیندانەکەیان، ڕەوانەی زیندانی ئەم شارە کران.
ڕۆژی دووشەممە، ٢٠ی سەرماوەز، سەعدوڵڵا ڕەسووڵپوور، هاووڵاتیی خەڵکی بۆکان، پاش بانگهێشتکران بۆ لقی جێبەجێکاری حوکمە کەیفەرییەکانی دادسەرای گشتی و ئینقلابی ئەم شارە، دەسبەسەر و بە مەبەستی جێبەجێکرانی حوکمەکەی ڕەوانەی زیندانی بۆکان کرا.
ڕۆژی سێشەممە، ٢١ی سەرماوەز، کۆڵبەرێک بە ناوی "مەنسور سلێمانی"، خەڵکی سەلاسی باوەجانی، بە هۆی تەقینەوەی مین لە سنووری نەوسوود بریندار بوو.
ڕۆژی سێشەممە ٢١ی سەرماوەز، جەلال ئەمینی، هاووڵاتیی خەڵکی بۆکان، پاش بانگهێشتکران بۆ لقی جێبەجێکاری حوکمە کەیفەرییەکانی دادسەرای گشتی و ئینقلابی ئەم شارە دەسبەسەر و بە مەبەستی جێبەجێکرانی حوکمی زیندانەکەی ڕەوانەی زیندانی بۆکان کرا.
ئاژانسی هەواڵدەریی کوردپا
