هەواڵدەریی میهر لە راپۆرتێكدا نووسیویەتی: قەڵای میرغوڵام هەڵكەوتوو لە شاری "دەڕەشەهر" سەر بە پارێزگای ئیلام بەهۆی كەمتەرخەمی و پشت گوێ خران داڕووخاوە و زۆربەی دیوارەكانی درزیان بردووە و بەرەو نابووتی دەڕوات.
فەرمانداری جوانڕۆ رایگەیاندووە: لە ماوەی حەوت مانگی رابردوودا، 528 حاڵەتی ژیانی هاوبەش و 97 حاڵەتی جیابوونەوە لەو شارە تۆمار كراوە، كەوایە یەك لەكۆی پێنج حاڵەتی ژیانی هاوبەش، یەك حاڵەت جیابوونەوە رووی داوە.
لێپرسراوی گشتیی سەرچاوە سروشتی و ئاوییەكانی پارێزگای ئیلام رایگەیاند، دوو لەسەر سێ دارستانەكانی بەڕووی ئەو پارێزگایە تووشی وشك بوون هاتوون.
جێگری سیاسی ئەمنیەتیی پارێزگای كوردستان رایگەیاند، هەوڵە پێشگرانە و بێ وچانەكانی هێزە ئەمنیەتی ـ ئینتزامییەكانی پارێزگای كوردستان بۆتە هۆی ئەوەی كە قاچاخچییەكان لەو پارێزگایەدا هەست بە ئەمنیەت نەكەن.
بارینی بەفر لە شاری ورمێبۆتە هۆی داخرانی قوتابخانە و هەروەها بەشێكی بەرچاو لە دووكان و بازِارەكانی ئەو شارە.
ماڵپەڕی شارۆنیووز لە سەردەشت بڵاوی كردەوە، ژنێكی خەڵكی شاری سەردەشت، لە حاڵێكدا چەندین جار سەردانی نەخۆشخانەی ئەو شارەی كردووە، بەهۆی كەمتەرخەمیی دوكتۆرەكان لە شەوانی رابردوودا گیانی لە دەست داوە. ئازیزە رەحیمی تەمەن بیست و پێنج ساڵ و دایكی…
6 كەس لە ئەندامانی شۆرای شاری روانسەر بەهۆی ئیختلاسی یەك میلیارد تمەن لەسەر كار لابران.
چەند چەكداری نەناسراو لە شاری روانسەر هێرش دەكەنە سەر زێڕ فرۆشێكی ئەو شارە و لە ئەنجامدا هاووڵاتییەك بریندار دەبێت.
لە كاتێكدا كە خوێندكارە كوردەكانی زانكۆی ورمێبە مەبەستی پاراستنی فەرهەنگی كوردی دیانویست رێورەسمێك لە ژێرناوی" لەبەر كردنی لیباسی كوردی" بەڕێوە ببن، بەڵام لەلایەن لێپرسراوانی ئیدارەی بەسیجی زانكۆوە ئیزنیان پێنەدرا.
ماڵپەڕی كورد پرێس بڵاوی كردەوە، وەرزشكارانی كوردی یانەی میللی"كونگ فو"ی ئێران 5 مدالی زێڕییان بۆ پارێزگاكانی ئیلام و كوردستان و بە دیاری هێنا.
ئاژانسی هەواڵدەریی کوردپا
