فیلمی داستانی "بەرزایی ئومێد" لە نووسین و دەرهێنانی كەیوان مەجیدی دەرهێنەری كورد لە شازدەیەمین خولی فێستیڤاڵی "خان تی مان سینگ"ی رووسیە خەڵاتی باشترین دەرهێنەریی مسۆگەر كرد.
ماڵی وەفایی و ئه‌نجومه‌نی ئه‌ده‌بیی زێد لە هەولێر كۆرێك بۆ نووسەر و رەخنەگر عەبدولخالق یەعقووبی رێك دەخه‌ن و تێیدا لایەنی جوانیناسانەی شێعری "خەوەبەردینە"ی سوارە ئیلخانی‌زادە تاوتوێ‌دەكرێت.
هاووڵاتییەكی خەڵكی گوندی "گوڵتەپە"ی سەر بە شاری بۆكان كەوتۆتە بەر دەستڕێژی هێزی ئینتزامیی حكوومەتی ئیسلامیی ئێران و پاش 2 رۆژ مانەوە لە بێهۆشیدا، لە نەخۆشخانە گیانی لەدەست داوە.
حەفتەی داهاتوو لە گەلەری مێرگ لە شاری هەوڵیر پیشانگایەك بۆ ماشەڵڵا محەممەدی هونەرمەندی شێوەكار و ئەنیمەيشن سازی كوردی ئێران دەكرێتەوە.
هاووڵاتییەكی دانیشتووی ناوچی "هۆمڵ"ی سەر بە شاری سەردەشت كەوتۆتە سەر مینی چێنراو و لە ئەنجامدا لاقێكی لەدەست داوە.
لەلایەن بنكەی ئەدەبی و رووناكبیریی گەلاوێژەوە، ئێوارەی رۆژی چوارشەممە چلەی ماتەمینی محەممەد موكری رۆماننوسی كۆچ كردووی كورد لە هۆڵی تەواری سلێمانی بەڕێوە چوو.
هاووڵاتییەكی خەڵكی گوندی "سارداو"ی سەر بە شاری بانە لە دوو كیلۆمیتریی سنووری ئەو شارە لەگەڵ هەرێمی كوردستان كەوتۆتە بەر تەقەی راستەخۆی هێزە نیزامییەكان و بە توندی بریندار بووە.
شاری كووهدەشت بە بوونی ٢١٣ هەزار حەشیمەتەوە تەنیا خاوەنی یەك پێگەی سووتەمەنییە و ئەمەش بۆتە هۆی گرفت و قەرەباڵغیی بۆ هاووڵاتییانی ئەو شارە.
"گەشتێك بەنێو هێڵكارییەكانی رابردوودا"، ناونیشانی پیشانگایەكی هێڵكاریی شێوەكار محەمەد رۆستەم زادە ناسراو بە "نامۆ"یە كە بڕیار وایە لە شاری هەولێر بكرێتەوە.
شۆرای باڵای بەڕێوەبەریی رێكخراوی مافی مرۆڤی كوردستان و بنەماڵەی محەممەدسدیق كەبوودوەند رایانگەیاندووە، هاودەنگ و هاوكات لەگەڵ كەبوودوەند ئەوانیش رۆژی چوارشەممە 24ی جۆزەردان مان لە خواردن دەگرن.
ئاژانسی هەواڵدەریی کوردپا
