لە ماوەی دوو حەفتەی رابردوودا لە شاری "ئەیوان غەرب"ی سەر بە پارێزگای ئیلام و دەورووبەری دوو ژن و كوڕێكی لاو دەستیان داوەتە خۆكوژی و لە ئەنجامدا هەر سێكیان گیانیان لەدەست داوە.
پۆلێك لە كۆڵبەران و كاسبكارانی كورد لە ناوچەی تەرگەوەڕ كەوتنە بەر تۆپبارانی ناوەندە نیزامییەكانی حكوومەتی ئیسلامیی ئێران و لە ئەنجامدا كوڵبەرێك گیانی لێ ئەستێنرا و دووی دیكەش بە توندی بریندار بوون.
زانیار و لوقمان مورادی دوو زیندانیی سیاسیی كوردی مەحكووم بە ئیعدام بە مەبەستی روون كردنەوە بۆ بیروڕای گشتی لەمەڕ بڵاوبوونەوەی هێندێ هەواڵی پێوەندیدار بە خۆیان، پەیامێكی رۆشنگەرییان بڵاو كردەوە.
دوو كرێكارێكی كوردی خەڵكی مەهاباد و خۆی بەهۆی رووداوی كارەوە گیانیان لەدەست دا.
ماڵپەڕی كۆمیتەی هاوئاهەنگی بۆ یارمەتیی دامەزراوە كرێكارییەكان بڵاوی كردەوە، 50 كرێكاری بەشی تونەیلی بەنداوی ئازاد لەسەر جادەی مەریوان ـ سنە بەهۆی پێنەدانی حەوت مانگ مووچەیان، مانیان گرتووە.
محەممەد سدیق كەبوودوەند، رۆژنامەنووس و چالاكی مافی مرۆڤی كوردی زیندانی، بۆ جارێكی دیكە لە ئیعتراز بە وەڵام نەدانەوە بە داخوازییەكانی، مانی لە خواردن گرت.
لە كۆبوونەوەیەكدا كە لەژێر ناوی"چاوە كراوەكان" لە زانستگایەك لە سنە بەڕێوە چوو، لێپرسراوێكی ئەمنیەتی خوازیاری لەناو چوونی حكوومەتی هەرێمی كوردستان بووە.
كاسبكاران و گوندنشینانی دەورووبەری ماكۆ رایانگەیاند، زەخت و گوشاری هێزە نیزامییەكانی حكوومەت بەناو پێشگیری لە كاڵای قاچاخ، بۆتە بەربەست لەبەردەم كاسبیی هاووڵاتییانی كورددا.
بەم دوایانە هێزە نیزامییەكانی حكوومەتی ئیسلامیی ئێران بە لەبەركردنی جلوبەرگی ناوچەیی دەچنە كەمینی كۆڵبەرانی كوردەوە لەسەر سنوور و دەستڕێژیان لێ دەكەن.
بەپرسی پڕۆژەی "ئێنسكلۆپیدیای كوردستان" رایگەیاند: ئەو پڕۆژە نەتەوەییە كە سەرجەم 11 بەرگە، تێیدا نزیك بە 150 نووسەر، پسپۆڕ، مامۆستا و پڕۆفیسۆری بوارە جیاجیاكان كاری تێدا دەكەن.
ئاژانسی هەواڵدەریی کوردپا
