لە ماوەی سەد رۆژی رابردوودا دەزگای قەزایی حكوومەتی ئیسلامیی ئێران لە ژێر ناوی " پرسی ئەمنیەتی" 43 هاووڵاتیی كوردی بە 214 ساڵ و 9 مانگ زیندانی تەعزیری و 12 ساڵ زیندانی هەڵپەسێران و لێدانی 74 زەربە شەلاق مەحكووم كردووە.
دەزگای قەزایی حكوومەتی توركیە 10 ساڵ زیندانی بۆ سەرنووسەر و خاوەن ئیمتیازی پێشووی رۆژنامەی "ئازادییا وڵات"بڕێوە.
ژمارەیەك لە ئەندامانی دەستەی بەڕێوەبەریی ئەنجومەنی پیشەیی مامۆستایانی پارێزگای كوردستان لە شاری سنە بانگهێشتی دادگا كران.
رێكخراوی بەرگریی لە مافی مرۆڤی كوردستان وێڕای دەربڕینی نیگەرانی لەمەڕ بارودۆخی محەممەد سەدیق كەبوودوەند، رەخنەشی لە دەزگای قەزایی و دەسەڵاتدارانی حكوومەتی ئیسلامیی ئێران گرت.
بە وتەی بەرپرسی گشتیی سەرچاوە سروشتتییەكانی پارێزگای كرماشان، لە وەرزی بەهاردا زیاتر لە 10 حاڵەتی ئاگركەوتنەوە لە لێڕەوارەكانی كرماشان روویان داوە كە قەرەبووی زیانەكان زۆر دەخایەنێ.
ئەندامێكی لێژنەی بەڕێوەبەریی تەعاوەنیی كرێكارانی "نەساجیی كوردستان" رایگەیاندووە، 100 ئەندامی ئەو تەعاوەنیە لە ناڕزایەتی بە نەدانی مۆڵەتی كردنەوەی خانوو دەستیان داوەتە كۆبوونەوەیەكی ئیعترازی.
ماڵپەڕی رێكخراوی مافی مرۆڤی كوردستان بڵاوی كردەوە، محەممەدسدیق كەبوودوەند لە نامەیەكدا داوای لە كوردانی سووریە كردووە كە بە بزووتنەوەی دێمۆكراسیخوازی ئەو وڵاتەوە پەیوەست بن و ویستەكانیان بخەنە بەرباس.
هاووڵاتییەكی كوردی خەڵكی ناوچەی "ئەنزەل"ی ورمێ لە تاڤگەی سوورە دووكەڵ خنكاوە و هاووڵاتییەكی دیكەی خەڵكی مەریوانیش لە بەنداوی "گاڕان" لە كاتی مەلەدا گیانی لەدەست داوە.
دارستانەكانی نزیك ئاوایی "حەسەن ئاوا" هەڵكەوتوو لە نیوان جادەی سەقز ـ مەریوان ئاگری تێبەر بوو.
زەخت و گوشاری هێزە نیزامییەكانی حكوومەتی ئیسلامیی ئێران بۆ سەر كۆڵبەران و كاسبكارانی كورد زیادی كردووە و لەو پێوەندییەدا كۆڵبەرانی ناوچەی تەرگەوەڕ لەو هەڕەشانە بێبەری نەبوون.
ئاژانسی هەواڵدەریی کوردپا
