رێكەوتی 17ی گەلاوێژ مێرمنداڵێكی تەمەن 13 ساڵەی كورد بەناوی "فەیاز زانگین" كوڕی محەممەدرەشید خەڵكی یەكێك لە گوندە سنوورییەكانی كوردستانی توركیە بە دەستڕێژی گوللەی كەسێكی نەناسراو كوژرا.
رێپێوانی رۆژی "قودس" لە شاری روانسەر تونوتیژیی لێكەوتەوە و بووە هۆی پێكدادانی خەڵك و هێزە ئەمنیەتییەكان و بەو هۆیەوە لەلایەن لیباس شەخسییەكانەوە دوو ژن دەستبەسەر و رەوانەی شوێنێكی نادیار كراون.
50 مامۆستای مەزهەبی سوننە لەلایەن رێكخراوی رووحانیەتی حكوومەتی ئیسلامیی ئێرانەوە بانگهێشت و هوشداریی توندیان پێدراوە.
كرێكارێكی خەڵكی ناوچەی سەوڵاوا، بەهۆی بەربوونەوە لە بەرزایی لە شهقامی "شبلی"ی شاری سنە گیانی لەدەست دا.
زیندانیانی سیاسیی شاری خۆی لەلایەن لێپرسراوان و حیفازەت ئیتلاعاتی زیندانی ئەو شارەوە بەردەوام لەژێر ئازار و ئەشكەنجە دان.
شەش لاوی گوندی "نێ"ی سەر بە شاری مەریوان کە لەلایەن هێزە ئەمنیەتییەكانی حكومەتەوە دەستبەسەر کرابوون، دوای دادگایی کردنیان لە رۆژانی پێشوودا ئازاد كران.
تەنیا یەك كاتژمێر پێش لە دەسپێكی رێوڕەسمی رۆژی هەواڵنێر لە ئیلام، بە نووسەرانی وتارە كوردییەكان راگەیەنرا كە مافی بەشداری لەو رێوڕەسمەیان نیە.
سەرچاوەكانی مافی مرۆڤ بڵاویان كردەوە حەبیبوڵڵا ئەفشاری زیندانیی سیاسیی كوردی مەحكووم بە ئیعدام لە ورمێ لەبەر زەخت و گوشاری وەزارەتی ئیتلاعات بۆ سەر بنەماڵەكەی، مانی لە خواردن گرتووە.
رۆژی دووشەممە رێكەوتی 23ی گەلاوێژ، فڕۆكەیەكی جەنگی بەسەر ئاسمانی شاری مەریواندا دیواری دەنگیی شكاندووە.
پاش روودانی بوومەلەرزە لە ئازەربایجان، خەڵكی شاری مەریوان و ئەنجومەنی سەوزی چیا دەستیان كرد بە كۆكردنەوەی یارمەتیی بۆ لێقەوامان و ئەمڕۆ لە رێگای ئەنجومەنی سەوزی چیاوە بۆیان رەوانە كرا.
ئاژانسی هەواڵدەریی کوردپا
