لە ئەنجامی زەوت کردنی شتومەک و ماشێنی کاسبکارانی ناوچەی جوانڕۆ بە دەستی هێزە ئینتزامییەکان، شەڕ و تێکهەڵچوون لە نێوان خەڵک و ئەو هێزانەدا هاتە ئاراوەو لە ئەنجامدا مەئموورێکی هێزی ئینتزامی بریندار بووە.
بە ئاگر تێبەردرانی دارستان و لەوەڕگەی ٣ شوێنی جیاواز لە ناوچەکانی مەریوان، ئاماری ئاگرکەوتنەوەکانی دوو شاری مەریوان و سەوڵاوا لە سەرەتای ئەمساڵەوە هەتا ئێستا گەیشتە ٢٩ حاڵەت.
رۆژی رابردوو ٥ پاڵێوراوانی شۆرای شاری کە رۆژی چوارشەممە لەلایەن ئیدارەی ئیتلاعاتەوە بانگهێشت و دەستبەسەر کرابوون، ئازاد کران و هاوکات ٣ پالێوراوی دیکەش لەلایەن ئەو ئیدارەیەوە بانگهێشت و دەستبەسەر کران.
لە چیاکانی ناوچەی بانە و مەریوان پێکدادنێکی چەکداری لەنێوان هێزە ئینتزامییەکان و چەند چەکدارێکی نەناسراودا هاتە ئاراوە.
بەشێک لە دارستان و لەوەرگەی نێوان جاددەی سنە و شارەکی حەسەن ئاوا لەلایەن کەسانێکی نەناسراوە سوتێندران.
کۆمەڵێک لە پاڵێوراوانی شۆرای شاری کرماشان بە ئەنجامی هەڵبژاردنەکانی شۆرای ئەو شارە ناڕەزایەتییان دەبڕی و خوازیاری هەڵوەشانەوەی ئەو هەڵبژاردنانە بوون.
رووداوی تەقینەوەی مین لە کوردستان هەر بەردەوامە و هەتا ئێستاش بە یەکێک لە مەترسییە گەورەکان ئەژمار دەکرێت کە هەڕەشە لە گیانی هاووڵاتییانی ناوچە کوردنشینەکانی ئێران دەکات.
لە چل و دووەمین ساڵڤەگەری کۆچی دوایی مامۆستا "حەسەن زیرەک"دا، بە وتنەوەی گۆرانییەکانی ئەو هونەرمەندە کۆڕیادێک بەڕێوە چوو.
هێزە ئینتزامییەکانی حکوومەتی ئیسلامیی ئێران رێگرییان لە ئەندامانی ئەنجومەنی سەوزی چیا کرد کە ئاگرکەوتنەوەی دارستان و لەوەڕگەکانی دەوروبەری مەریوان کۆنتڕۆڵ بکەن.
ناوه‌ندی فەرهەنگی - هونەریی ڤه‌ژین لە شاری مەریوان، کۆڕێکی ئەدەبی له‌مه‌ڕ پێناسه‌و لێکدانه‌وه‌ی شێعری ئه‌مڕۆی کوردی، رێک دەخات.
ئاژانسی هەواڵدەریی کوردپا
