ڕۆژی یەکشەممە ٣ی خاکەلێوەی ١٤٠٤، هاووڵاتییەکی کورد بە ناوی "مستەفا هۆژەبری" تەمەن ٢٨ ساڵ و کوڕی سدیق، خەڵکی گوندی "قوڵیان" سەر بە شاری سنە، لەلایەن هێزە ئەمنییەتییەکانەوە دەسبەسەر کرا و سەبارەت بە چارەنووسی زانیارییەک لەبەر دەستدا نییە.
لقی ٩ی دیوانی باڵای وڵات حوکمی لەسێدارەدانی حەمید حوسێننژاد حەیدەرانلوو، بەندکراوی سیاسیی کوردی خەڵكی گوندی "سگریک" سەر بە شاری چاڵدێرانی وەک خۆی پشتڕاست کردەوە.
ڕۆژی سێشەممە ٥ی خاکەلێوەی ١٤٠٤، هاووڵاتییەکی کورد بە ناوی "ئومید مەولوودیان" خەڵکی گوندی "کارێزەی سەردار" سەر بە شاری بۆکان لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
ڕۆژی سێشەممە ٥ی خاکەلێوەی ١٤٠٤، فواد کشاوەرز، گۆرانیبێژی کوردی خەڵکی سەقز بە دانانی بارمتە لە گرتنگەی ئیتلاعاتی ئەم شارە ئازاد کرا.
ڕۆژی سێشەممە ٥ی خاکەلێوەی ١٤٠٤، لەیلا پاشایی و باران ساعدی، دوو چالاکی بواری ژنان بە دانانی بارمتەی ٥٠٠ میلیۆن تمەنی و بە شێوەی کاتی لە کانوونی ئێسلاح و تەربییەتی سنە ئازاد کران.
لە ماوەی دوو ڕۆژدا (٢ و ٣ی خاکەلێوەی ١٤٠٤) سەرجەم شەش هاووڵاتیی کورد و چالاکی مەدەنی لە پێوەندی لەگەڵ بەڕێوەچوونی ڕێوڕەسمی نەورۆز لەلایەن هێزە ئەمنییەتییەکانەوە دەسبەسەر کراون و بۆ شوێنێکی نادیار ڕاگوێزران.
سەرلەبەیانیی ڕۆژی دووشەممە ٤ی خاکەلێوەی ١٤٠٤، هێزەکانی ئیتلاعاتی سەقز هێرشیان کردووەتە سەر خانەقای "ڕێگای ئازادی" و بە توندوتیژییەوە شێخ زاهید شەهابییان دەسبەسەر کردووە.
دوانیوەڕۆی ڕۆژی یەکشەممە ٣ی خاکەلێوەی ١٤٠٤، کاروان دافعی، چالاکی مەدەنیی ئەندامی ئەنجومەنی سەوزی چیای مەریوان و دەرهێنەر، لە گۆڕەپانی "باوەڕەشی"ی مەریوان و بە بڕیاری هێزەکانی ئیتلاعات دەسبەسەر کرا و بۆ شوێنێکی نادیار ڕاگوێزرا.
ڕۆژی شەممە ٢ی خاکەلێوەی ١٤٠٤، هاووڵاتییەکی کورد بە ناوی "ئەسعەد باباکەرەمی" خەڵکی گوندی "گاوەرە" و دانیشتووی سنە لەلایەن هێزە ئەمنییەتییەکانەوە دەسبەسەر کرا.
ڕۆژی شەممە ٢ی خاکەلێوەی ١٤٠٤، لاوێکی کورد بە ناوی "چالاک پیرووزی" تەمەن ١٩ ساڵ و خەڵکی گوندی "سەردۆش" سەر بە ساری مەریوان لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
ئاژانسی هەواڵدەریی کوردپا
