ڕۆژی سێشەممە ٢ی خەرمانان، کۆڵبەرێکی کورد بە ناوی "مەعرووف ئەدوایی"، خەڵکی گوندی "سلێن" سەر بە سەوڵاوا، لە ئەنجامی تەقەی هێزە نیزامییەکانی حکوومەتی، لە بەرزاییەکانی "تەتە"ی هەورامان، بریندار بووە.
ڕۆژی دووشەممە ١ی خەرمانان، هاووڵاتییەکی کورد بە ناوی "ئەنسار ئەدوایی" خەڵکی گوندی "سلێن" سەر بە شاری سەوڵاوا، بۆ جێبەجێکردنی حوکمەکەی ڕەوانەی زیندانی مەریوان کرا.
ڕۆژی سێشەممە ٢ی خەرمانان، هاووڵاتییەکی کورد بە ناوی "عوبەید ئەنوەری" کوڕی ڕەحیم خەڵکی گوندی "ئاڵیاوێ"ی شاری شنۆ، بە دانانی بارمتە لە زیندانی ئەو شارە ئازاد کرا.
هاووڵاتییەکی کورد بە ناوی "عەتا (شەماڵ) ڕەحمانزادە" خەڵکی شاری سەقز، بە تۆمەتی "پڕوپاگەندە دژی نیزام" بە ١١ مانگ زیندانی تەعزیری مەحکووم کرا.
ڕۆژی سێشەممە ٢ی خەرمانان، هاووڵاتییەکی کورد بە ناوی "ڕێبوار چارکداری"، تەمەن ٢٢ ساڵ و کوڕی محەممەد، بە دانانی بارمتە لە زیندانی ئەو شارەدا ئازاد کرا.
ڕۆژی سێشەممە ٢ی خەرمانان، دوو هاووڵاتیی کورد بە ناوەکانی "جەلال قادرزادە"، کوڕی عەبدوڵڵا، خەڵکی "نەڵۆس" و "فەرهاد مەعرووفی"، کوڕی حەسەن، خەڵکی گوندی "ئاڵیاوێ" سەر بە شنۆ، بە دانانی بارمتە لە زیندانی ئەو شارەدا ئازاد کران.
ڕۆژی دووشەممە ١ی خەرمانان، هاووڵاتییەکی کورد بە ناوی "شەمزین محەممەدی" خەڵکی گوندی "ئالیکەند"ی شاری بۆکان، بە دانانی بارمتە هەتا کاتی دادگاییەکەی بە شێوەی کاتی لە زیندانی ئەو شارە ئازاد کرا.
ڕۆژی یەکشەممە ٢٤ی گەلاوێژ، هاووڵاتییەکی کورد بە ناوی "سلێمان گوڵی" تەمەن ٢٥ ساڵ و کوڕی "محەممەد سەلیم"، خەڵکی گوندی "عەلیاوای یاپەڵ" سەر بە شاری دیواندەرە، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
ڕۆژی دووشەممە ١ی خەرمانان، هاووڵاتییەکی کورد بە ناوی "حەیدەر خزری" کوڕی محەممەد و دانیشتووی "کۆنەخانی" شاری پیرانشار، لە لایەن هێزە ئەمنییەتییەکانەوە دەسبەسەر و بۆ شوێنێکی نادیار ڕاگوێزرا.
ڕۆژی دووشەممە ١ی خەرمانان، "خەبات مەفاخری" چالاکی ژینگەیی خەڵکی سنە، بە دانانی بارمتە لە زیندانی ئەو شارە ئازاد کرا.
ئاژانسی هەواڵدەریی کوردپا
